ابن ملجم بھی جنتی

قارئین ناصبی دو اسکین جات پیش کرتا ہے جسمیں یہ اعتراضات ہیں

اول: شیعہ کتاب الارشاد میں شیعہ محدث شیخ مفید لکھتا ہے کہ ابن ملجم نے مولا علی رض کی بیعت کی تھی اور مولا علی رض نے ابن ملجم سے اس بیعت کو نبھانے کا عہد بھی لیا تھا اور جب اس نے مولا علی رض سے ایک سواری کا مطالبہ کیا تو مولا علی رض نے ابن ملجم کو ایک اشقر نامی گھوڑا تحفہ میں دیا

دوم: جب ابن ملجم لعنی کو حضرت علی رض پر حملہ کے بعد گرفتار کیا گیا تو امام حسن رض نے اس کی طرف دیکھ کر فرمایا اے ابن ملجم بدبخت لعنتی تو نے امیر المومنین کو قتل کردیا ہے کیا یہ ان احسانات کا بدلہ ہے جو امیر المومنین رض نے تم پر کئے تھے ابن ملجم خاموش کھڑا تھا پھر حضرت علی رض نے انکھیں کھولیں اور فرمایا اے ابن ملجم کیا میں تیرا ایک اچھا امام نہیں تھا کیا میرے تم پر احسانات بھلانے کے قابل تھے؟

جواب: اس سے موصوف ثابت کرنا چاہتے ہیں کہ “ابن ملجم شیعہ تھا” اور اس “شیعہ” نے امیر المومنین علیہ السلام کو شہید کیا لیکن یہاں کہی بھی ایسی بات نہیں لکھی بلکہ امیر المومنین علیہ السلام کے احسانات جو “ابن ملجم” پر کئے تھے تو اس سے اس کا “شیعہ” ہونا تو دور کی بات ہے “بلکہ اس کا مسلمان ہونا بھی ثابت نہیں” کیونکہ رسول ﷺوآلہ نے ایک غیر مسلم یہودی حکمران کا تحفہ لیا بھی اور ایلچی کے ہاتھ ایک چادر بھی بھجوائی الفاظ روایت یوں ہیں:

ابن العلماء حاکم ایلہ کا ایلچی ایک خط لے کر آیا اور رسول ﷺوآلہ کے لئے ایک سفید خچر تحفہ لایا ۔ رسولﷺوآلہ نے اس کو جواب لکھا اور ایک چادر تحفہ بھیجی ۔

حوالہ : [صحیح مسلم – رقم ۱۳۹۲]

یاد رہے کہ یہ ایلچی رسول ﷺوآلہ سے مصالحت کرنے ہی آیا تھا اور اس کے بعد رسول ﷺوآلہ نے ایک تحریر بھی لکھ کر دی اور جزیہ وغیرہ کے معاملات بھی طے ہوئے۔ دیکھئے علامہ مبارکپوری بھی یہی بات اپنی شہرت آفاق سیرت میں لکھتے ہیں:

جاء يحنة بن روبة صاحب أيلة، فصالح الرسول صلى الله عليه وسلم وأعطاه الجزية، وأتاه أهل جرباء وأهل أذرح، فأعطوه الجزية، وكتب لهم رسول الله صلى الله عليه وسلم كتابا فهو عندهم،

حوالہ: [ الرحیق المختوم – ص ۳۷۰ و دیگر سیرت کی کتب ]

تبصرہ: قارئین کافروں کو بھی تحفہ وغیرہ دئے جاتے ہیں تو اس سے ان کے اسلام کا اثبات نہیں ہوتا، چنانچہ اگر “ابن ملجم ملعون” کو امام علیہ السلام نےکچھ دیاتو یہ اسلام کی وہ بہترین تعلیمات کے مطابق تھاکہ جس میں لوگوں کے ساتھ اچھے سلوک کا عمومی حکم ہے۔ جب ہی رسولﷺوآلہ نے ابن ابی مشہور منافق کے مرنے کے بعد بھی اہلسنت کی روایات کے مطابق اپنی چادر دی۔

اب آتے ہیں بیعت سے اثبات کرنا کہ وہ شیعان علی علیہ السلام میں سے تھا تو کتنے ہی خوارج تھے جنہوں نے امیر المومنین علیہ السلام کی بیعت کی تھی، آپ کے ہمراہ لڑے اور پھر گمراہ ہوگئے تو یہ کتنا بیکار استدلال ہے جس کی کوئی حد نہیں۔ ” بیعت تو طلحہ و زبیر نے بھی کی تھی” اور بعد میں توڑا تو جب ہی ناکثین کہلائے تو کیا ان كو بھی شیعہ کہنا چاہئے؟!