اہل سنت کے محدث محمد بن اسماعیل بخاری (المتوفی ۲۰۶ھ) نے اپنی کتاب میں ایک راوی کے بارے میں یوں لکھا ہے :
عبد الله بن محمد ابن الحنفية ومُحَمَّد هو [ابْن] علي بْن أَبِي طالب الَهاشمي أَبُو هاشم أخو الْحَسَن، سَمِعَ أباه، يُعَدُّ في أَهْلِ الْمَدِينَةِ، قَالَ عَبْد اللَّه بْن مُحَمَّد – عَنِ ابْن عُيَيْنَةَ حَدَّثَنَا الزُّهْرِيّ: كَانَ الْحَسَن أوثقهما في أنفسنا، وكَانَ عَبْد اللَّه يتبع السبائية.
عبداللہ بن محمد بن حنفیہ، اور یہ محمد (بن حنفیہ الھاشمی) علی ابن ابی طالبؑ کا بیٹا تھا، اسکی کنیت ابو ھاشم تھی۔ یہ حسن (بن محمد بن حنفیہ) کا بھائی تھا۔ اہل مدینہ میں سے تھا۔ عبداللہ بن محمد نے ابن عیینہ سے نقل کیا ہے اور اس نے ابن شہاب زہری سے روایت کی ہے کہ حسن ان دو بھائیوں میں سے زیادہ ثقہ تھا۔ یہ عبداللہ (بن محمد بن حنفیہ) سبائیوں کی اتباع کرنے والا تھا۔
التاریخ الکبیر – بخاری // جلد ۵ // صفحہ ۱۸۷ // رقم۵۸۲ // طبع الفاروق الحدیثیہ قاہرہ مصر۔
لہذا ثابت ہوا کہ امام بخاری کے نزدیک محمد بن حنفیہ کا ایک بیٹا اور علی ابن ابی طالبؑ کا ایک پوتا سبائی تھا۔ لیکن جب اسی امام بخاری نے اپنی کتاب جامع الصحیح مرتب کی تو اسی سبائی سے احادیث لی۔
صحیح بخاری – بخاری // صفحہ ۹۱۵ // رقم ۵۱۱۵ // طبع دار السلام ریاض سعودیہ۔
اہل سنت کے عظیم شان محدث سلیمان بن مہران الاعمش سبائی تھے !
امام احمد بن حنبل (المتوفی ۲۴۱ھ) نے اپنے سوالات میں یوں بیان کیا ہے :
سمعته يَقُول قَالَ يزِيد بْن زُرَيْع حَدَّثَنَا شُعْبَة عَن سُلَيْمَان الْأَعْمَش، وَكَانَ وَالله خربيًا سبئيا وَالله لَوْلَا أَن شُعْبَة حدث عَنْهُ مَا رويت عَنْهُ حَدِيثا أبدا
عبداللہ نے امام احمد بن حنبل کو فرماتے ہوئے سنا کہ یزید بن زریع نے روایت کیا ہے شعبہ سے اور انہوں نے روایت کیا ہے سلیمان الاعمش سے، یہ الاعمش اللہ کی قسم تباہ شدہ سبائی تھا۔ اللہ کی قسم اگر شعبہ اس سے روایت نہ لیتا میں اس کی احادیث کبھی نہیں لیتا۔
کتاب العلل و معرفۃ الرجال – روایۃ عبداللہ بن احمد بن حنبل // جلد ۲ // صفحہ ۳۴۳ // رقم ۲۵۱۷ // طبع دار القبس للنشر والتوزیع ریاض سعودیہ۔
