حدیث ثقلین کے اسکین پیجز

اہل سنت امام مسلم نے اپنی صحیح میں زید بن ارقم سے نقل کرتے ہیں: ایک دن پیغمبر اکرمۖ نے ایک ایسے تالاب کے کنارے ایک خطبہ ارشاد فرمایا جس کا نام ”خم” تھا یہ مکہ اور مدینہ کے درمیان واقع تھا اس خطبے میں آپۖ نے خداوندکریم کی حمدو ثنا کے بعد لوگوں کو نصیحت فرمائی اور یوں فرمایا:

”ألاٰ أیّہاالناس ، فاِنما أنا بشر یوشک أن یأت رسول رب فأجیب وأنا تارک فیکم الثقلین. أولھما کتاب اللّہ فیہ الھدی والنور ، فخذوا کتاب اللہ واستمسکوا بہ ، فحث علی کتاب اللّہ ورغب فیہ ثم قال: وأھل بیت اُذکرکم اللّہ ف أھل بیت . اُذکرکم اللّہ ف أھل بیت . اُذکرکم اللّہ ف أھل بیت .”

اے لوگو! بے شک میں ایک بشر ہوں اور قریب ہے کہ میرے پروردگار کا بھیجا ہوا نمائندہ آئے اور میں اس کی دعوت قبول کروں میں تمہارے درمیان دو وزنی چیزیں چھوڑے جارہا ہوں ایک کتاب خدا ہے جس میں ہدایت اور نور ہے کتاب خدا کو لے لو اور اسے تھامے رکھو اور پھر پیغمبر اسلامۖ نے کتاب خدا پر عمل کرنے کی تاکید فرمائی اور اس کی جانب رغبت دلائی اس کے بعد یوں فرمایا اور دوسرے میرے اہل بیت ہیں . اپنے اہل بیت کے سلسلے میں، میں تمہیں خدا کی یاد دلاتا ہوں اور اس جملے کی تین مرتبہ تکرار فرمائی.

صحیح مسلم جلد٤ ص١٨٠٣حدیث نمبر ٢٤٠٨طبع عبدالباقی

ترمذی نے بھی اس حدیث کے متن کو لفظ ”عترتی اھل بیتی” کے ساتھ نقل کیا ہے : متنِ حدیث اس طرح ہے:

”اِنّ تارک فیکم ما اِن تمسکتم بہ لن تضلوا

بعد ، أحدھما أعظم من الاخر : کتاب اللّہ

حبل ممدود من السماء اِلی الأرض و عترت

أھل بیت ، لن یفترقا حتی یردا علَّ الحوض

فانظروا کیف تخلفون فیھما”

میں تمہارے درمیان دو چیزیں چھوڑے جارہا ہوں جب تک تم ان سے متمسک رہوگے ہرگز گمراہ نہ ہو گے ، ان دو چیزوں میں سے ایک دوسری سے بڑی ہے ، کتاب خدا ایک ایسی رسی ہے جو اسمان سے زمین تک آویزاں ہے اور دوسرے میرے اہل بیت ہیں . اور یہ دونوں ہرگز ایک دوسرے سے جدا نہ ہوں گے یہاں تک کہ حوض کوثر پر مجھ سے آملیں .لہذا یہ دیکھنا کہ تم میرے بعد ان کے ساتھ کس طرح کا برتاؤ کرتے ہو.

سنن ترمذی جلد٥ص٦٦٣نمبر٣٧٧٨٨

حددیث ثقلین کی ٣٤ صحابہ و صحابیات نے جناب رسول خدا صلى‌الله‌عليه‌وآله‌وسلم سے روایت کی ہے، اور دور تالیف سے آج تک ہر عہد کے علماء ،انہیں حدیث و سیرت و مناقب و تاریخ کی کتابوں میں درج کرتے چلے آئے ہیں:

١۔ حضرت امیرالمو منین علی علیہ السلا م سے بزار، محب الدین طبری ،دولالی، سخاوی، سمہودی وغیرہ نے اپنی تالیفات میں حدیث ثقلین کو درج کیا ہے۔

٢۔ امام حسن سے ابن قندوزی نے ” ینابیع المودة” میں حدیث ثقلین کی روایت کی ہے ۔

٣۔سلمان فارسی سے بھی قندوزی نے حدیث ثقلین کی روایت کی ہے ۔

٤۔ حضرت ابوذرغفاری سے ( صحیح ترمذی )

٥۔ ابن عباس سے ( قندوزی)

٦۔ ابوسعیدی خدری سے (مسعودی، طبری، ترمذی و غیرہ )

٧۔ جابر بن عبد اللہ انصاری سے (ترمذی ،ابن اثیر و غیرہ)

٨۔ ابوالہیثم تیہان سے (سخاوی وقندوزی)

٩۔ ابورافع سے (سخاوی وقندوزی )

١٠۔ حذیفہ یمان سے (، محب الدین طبری ،مودةالقربی)

١١۔ حذیفہ بن اسید غفاری سے (ترمذی،ابونعیم اصفہانی،ابن اثیر ،سخاوی و غیرہ)

١٢ ۔ خزیمہ بن ثابت سے (سخاوی ،سہمودی،قندوزی )

١٣۔ ابوہریرہ سے (بزار ، سخاوی،سہمودی)

١٤ ۔ زیدبن ثابت سے (احمدبن حنبل، محب الدین طبری، ابن اثیر و غیرہ)

١٥ ۔ عبد اللہ بن حنطب سے (طبرانی،ابن اثیر وغیرہ)

١٦۔ جبیربن مطعم سے (ابونعیم اصفہانی و غیرہ)

١٧ ۔ براا بن عازب سے ( ابو نعیم اصفہانی)

١٨۔ انس بن مالک سے ( ابو نعیم اصفہانی )

١٩ ۔ طلحہ بن عبید اﷲ بن تمیمی سے ( قندوزی )

٢٠۔ عبد الرحمن بن عوف سے ( قندوزی )

٢١۔ سعد بن وقاص سے ( قندوزی )

٢٢۔ عمرو بن عاص ( خوارزمی )

٢٣۔ سہل بن سعد انصاری (سخاوی ، سمہودی )

٢٤ ۔ عدی بن حاتم ( سخاوی ،سمہودی و غیرہ)

٢٥۔ عقبہ بن عامر (سخاوی وغیرہ )

٢٦۔ ابو ایوب انصاری ( سخاوی)

٢٧۔ شریح خزاعی ( سخاوی ، سمہودی و غیرہ)

٢٨۔ ابو قدامہ انصاری ( سخاوی وغیرہ )

٢٩۔ ضمیرہ ٔ اسلمی( سخاوی وغیرہ)

٣٠۔ ابو لیلی انصاری ( سخاوی ، سمہودی ، قندوزی )

٣١۔ حضرت فاطمہ الزہرا ص سے ( قندوزی )

٣٢۔ ام المومنین ام سلمہ رض سے ( سخاوی س،سمہودی )

٣٣۔ ام ہانی بنت ابو طالب سے ( سخاوی، سمہودی وغیرہ )

٣٤۔ زید بن ارقم سے ( صحیح مسلم ،مسند احمد بن حنبل ، کنزالعمال ۔ سیوطی؛ در منثور،ترمذی)

.

.