امتی صحابہ سے افضل

مسند احمد کی صحیح حدیث

مسند احمد

حدیث 16977

مسنَد الشَّامِیِّینَ

455. حَدِیث اَبِی جمعَةَ حَبِیبِ بنِ سِبَاع

ابن محیریز کہتے ہیں کہ میں نے صحابی ابوجمعہ سے عرض کیا کہ مجھے کوئی حدیث سنائیے جو آپ نے نبی علیہ السلام سے سنی ہو، انہوں نے فرمایا: اچھا، میں تمہیں ایک عمدہ حدیث سناتا ہوں، ایک مرتبہ صبح کے کھانے میں ہم لوگ نبی علیہ السلام کے ساتھ شریک تھے، ہمارے ساتھ صحابی ابوعبیدہ بن جراح بھی تھے، وہ کہنے لگے، یا رسول اللّٰہ! کیا ہم سے بہتر بھی کوئی ہو گا؟ ہم نے آپ کے ہاتھ پر اسلام قبول کیا اور آپ کی معیت میں جہاد کیا؟ فرمایا: ”ہاں! ایک قوم ہو گی جو تمہارے بعد آئے گی اور مجھ پر بن دیکھے ایمان لائے گی۔“

اس حدیث کو حاکم نے مستدرک میں صحیح کہا ھے اور امام ذھبی نے بھی اسکی تصحیح کی ھے:)