ســیـد نــادر نــقـوی
برادران اسلامی کے بعض علماء کی طرف سے ایک حدیث پیش کی جاتی ہے کہ “آل محمد ؑ کل تقی” یعنی ہر نیک و متقی شخص آل محمد ہے۔ جبکہ اہلسنت محدثین نے اس حدیث کو ضعیف اور موضوع قرار دیا ہے۔
ابن تیمیہ حرانی صاحب نے منہاج السنہ الجز السابع میں اس حدیث کو نقل کرنے کے بعد لکھتے ہیں:
و ھو حدیث موضوع
یہ حدیث من گھڑت ہے۔
امام الشوکانی صاحب اپنی کتاب الفتح الربانی من فتاویٰ الامام الشوکانی میں اس حدیث کو نقل کرنے کے بعد لکھتے ہیں:
و ھو حدیث موضوع
یہ حدیث من گھڑت ہے۔
امام جلال الدین قاسمی اپنی “تفسیر القاسمی” میں اس حدیث کو نقل کرنے کے بعد لکھتے ہیں:
و ھو حدیث موضوع
یہ حدیث من گھڑت ہے۔
(تفسیر القاسمی/ الجز الثامن/ صفحہ ۷۱)
علامہ حجر عسقلانی صاحب فتح الباری بشرح صحیح بخاری میں اس حدیث کو نقل کرنے کے بعد لکھتے ہیں:
سندہ واہ جداً، قولہ بسند ضعیف
اس کی سند شدید کمزور اور ضعیف ہے۔
(فتح الباری بشرح صحیح بخاری/ جلد ۱۴ / صفحہ ۳۷۱)
الشیخ ناصر الدین البانی صاحب اپنی کتاب “سلسلہ الاحادیث الضعیفہ و الموضوعہ” میں اس حدیث کو نقل کرنے کے بعد لکھتے ہیں:
ضعیف جداً : یہ حدیث سخت ضعیف ہے
(سلسلہ الاحادیث الضعیفہ و الموضوعہ صفحہ ۴۶۸ رقم ۱۳۰۴ )
