واقعه کربلا اور شہادت امام حسین علیہ السلام حقائق کی روشنی میں

کفایت اللّٰہ سنابلی صاحب اپنے پیر و مرشد یزید کی وکالت کرتے ہوئے اپنی کتاب “یزید بن معاویہ پر الزامات کا تحقیقی جائزہ” میں ایک عنوان قائم کیا جس کا نام ہے” حسین (علیہ السلام) کے قاتل یزید نہیں، بلکہ اہل کوفہ تھے” اس عنوان کے زیر میں وہ لکھتے ہیں:

یزید پر یہ الزام ہے کہ انہوں نے حسین (علیہ السلام) کو قتل کروایا۔ یہ الزام سراسر جھوٹ ہے کسی بھی معتبر کتاب میں یہ نہیں ملتا۔۔۔۔۔۔۔۔

(یزید بن معاویہ پر الزامات کا تحقیقی جائزہ/ صفحہ 329)

معجم طبرانی میں صحیح السند روایت ملاحظہ فرمائیں

حدثنا علي بن عبد العزيز ثنا الزبير بن بكار حدثني محمد بن الضحاك بن عثمان الحزامي عن أبيه قال خرج الحسين بن علي رضي الله عنهما إلى الكوفة ساخطا لولاية يزيد بن معاوية فكتب يزيد بن معاوية إلى عبيد الله بن زياد وهو واليه على العراق إنه قد بلغني أن حسينا قد سار إلى الكوفة وقد ابتلى به زمانك من بين الأزمان وبلدك من بين البلدان وابتليت به من بين العمال وعندها يعتق أو يعود عبدا كما يعتبد العبيد فقتله عبيد الله بن زياد وبعث برأسه إليه فلما وضع بين يديه تمثل بقول الحسين بن الحمام

ترجمه: “محمد بن ضحاک بن عثمان حزامی اپنے والد سے روایت کرتے ہیں، انہوں نے کہا: حضرت امام حسین بن علی رضی اللہ عنہا کوفہ کی طرف اس حال میں تشریف لے چلے کہ آپ یزید بن معاویہ کی حکومت سے نالاں تھے پس یزید بن معاویہ نے عبید اللہ بن زیاد کی طرف جبکہ وہ عراق پر حاکم تھا خط لکھا کہ مجھے خبر پہنچی ہے کہ حضرت امام حسین رضی اللہ عنہ کوفہ کی طرف چل پڑے ہیں جبکہ تو ان کا مقابلہ کر سکتا ہے اور حاکموں میں سے تجھے ان کے ساتھ جنگ کرنے کی تکلیف دی جاتی ہے۔ عبید اللہ بن زیاد نے آپ کو شہید کر کے آپ کا سر یزید کی طرف بھیج دیا، پس جب وہ اس کے سامنے رکھا گیا تو اس نے حسین بن حمام کے قول کے ساتھ مثال دی: ہم نے ان لوگوں کی کھوپڑیاں پھوڑ دی، وہ ہمیں پسند تھے لیکن وہ نافرمان اور ظالم تھے ۔۔۔

(معجم الکبیر جلد 2 ح 2846)

(معجم الکبیر اردو جلد 2 ص 418 ح 7277)

اس روایت کے تمام راوی ثقات میں سے ہیں

مزید اس روایت کے شواہد اور متابعت میں بھی ایک روایت پیش کرتے ہیں :

-حَدَّلْنَا أَبُو الزَّنْبَاعِ رَوْحُ بْنُ الْفَرَجِ فَجَلَ خَلْفَ . الْمِصْرِيُّ، ثنا يَحْيَى بْنُ بُكَيْرٍ، حَدَّثَنِي اللَّيْتُ، قَالَ : ابِي الْحُسَيْنُ بْنُ عَلِي رَضِيَ اللهُ عَنْهُمَا أَنْ يُسْتَأْسَرَ، فَقاتَلُوهُ فَقَتَلُوهُ، وَقَتَلُوا ابْنَيْهِ وَأَصْحَابَهُ الَّذِينَ قَاتَلُوا مِنْهُ بِمَكَانِ يُقَالُ لَهُ الطَّقُ، وَانْطلِقَ بِعَلِيِّ بنِ حُسَيْنِ، وَفَاطِمَةَ بِنْتِ حُسَيْنٍ، وَسُكَيْنَة بِنْتِ حُسَيْنٍ عُبَيْدِ اللهِ بنِ زِيَادٍ، وَعَلِيٌّ يَوْمَئِذٍ غُلَامٌ قَدْ بَلَغَ ك بِهِمْ إِلَى يَزِيدَ بْنِ مُعَاوِيَةَ، فَأَمَرَ بِسُكَيْنَة يرِهِ لِئَلَّا تَرَى رَأْسَ آبِيهَا وَذَوِی قَرايَتِهَا، وَعَلِيُّ بْنُ الْحُسَيْنِ رَضِيَ اللهُ عَنْهُمَا فِي غل، فَوَضَعَ رَأْسَهُ، فَضَرَبَ عَلَى ثَنِيَّتِي الْحُسَيْنِ رَضِيَ اللَّهُ عَنْهُ، فَقَالَ:

(البحر الطويل) نُفَلِقُ مَامًا مِنْ رِجَالٍ اَحِيَّةٍ … إِلَيْنَا وَهُمْ كَانُوا

ترجمه: “لیث کہتے ہیں که امام حسین ؑ بن علی رضی اللہ عنہما نے لڑنے سے انکار کیا تھا آپ لڑے اور شہید ہو گئے آپ کے بیٹے اور ساتھی آپ کے ساتھ اس جگہ شہید ہوئے اُسے طف کہا جاتا تھا۔ حضرت علی بن حسین اور فاطمہ بنت حسین اور سکینہ بنت حسين كو عبداللہ بن زیادہ کے پاس بھیجا گیا، حضرت علی بن حسین بلوغت کے قریب تھے ان کو عبید نے یزید بن معاویہ کی طرف بھیجا، سکینہ کے متعلق حکم دیا کہ ان کو پردہ کے پیچھے کروں گا کہ اپنے والد کا سر نہ دیکھیں اور اپنے قریبیوں کو ۔ حضرت علی بن حسین کو زنجیریں پہنائی گئی تھیں یزید نے آپ کا سر رکھا آپ کے ہونٹوں پر مارا کہا:

ہم ان لوگوں کے سر پھوڑتے ہیں جو ہمیں پیارے ہیں لیکن وہ نافرمان اور ظالم ہیں۔۔۔۔

اس روایت کے بھی سب رجال ثقات میں سے ہیں

یزید نے ولید بن عتبہ کو خط لکھا که:

“مابعد! حضرت حسینؑ، عبداللّہ بن عمرؓ، عبداللّہ بن زبیر کو بیعت کیلئے سختی سے پکڑ لو اور اس میں کسی قسم کی نرمی نہیں حتیٰ کہ وہ بیعت کرلیں” والسلام

قبل اس کے کہ انھیں حضرت معاویہ رضي الله عنه کی موت کا علم ہو آپ انھیں بیعت کرنے کی دعوت دیں اور اگر وہ انکار کریں تو انھیں قتل کر دیا جائے

(البدایہ والنہایہ / مصنف ابن کثیر دمشقی/ صفحہ 191)

حافظ ابن حجر نے کہا:

“حقیقت حال یہ تھی کہ جب سیدنا معاویہ رضي الله عنه نے وفات پائی اور ان کے بعد یزید مسند خلافت پر متمکن ہوا تو اہل کوفہ نے سیدنا حسینؑ سے خط و کتابت کی کہ وہ تو ان کی اطاعت کرینگے، نہ کہ یزید کی، پس سیدنا حسینؑ کوفہ والوں کی طرف روانہ ہوگئے، لیکن ان سے پہلے عبیداللّہ ابن زیاد کوفہ پہنچ گیا اور اس نے اکثر لوگوں کو سیدنا حسینؑ سے دور کردیا بعض لوگ رغبت کی وجہ سے اور بعض لوگ ڈر کی وجہ سے سیدنا حسینؑ کا ساتھ چھوڑ گئے، اور ابن زیاد نے سیدنا حسینؑ کے چچا زاد سیدنا مسلم بن عقیلؑ کو بھی قتل کردیا، سیدنا حسینؑ نے لوگوں سے بیعت لینے کیلئے انھیں بھیجا تھا، پھر ابن زیاد نے ایک لشکر تیار کیا اور امام حسینؑ سے جنگ شروع کردی، یہاں تک کہ نواسہ رسولﷺ اور ان کے اہلبیتؑ کے کافی افراد شہید ہوگئے

(فتح الباری فی شرح بخاری /جلد 7 / صفحہ 92 بحوالہ مسند احمد بن حنبل)

اہل سنت کے ایک بزرگ عالم شمس الدين ذہبی نے یزید کے بارے میں لکھتے ہیں:

قلت: ولما فعل يزيد بأهل المدينة ما فعل، وقتل الحسين وإخوته وآله، وشرب يزيد الخمر ، وارتكب أشياء منكرة ، بغضه الناس ، وخرج عليه غير واحد ، ولم يبارك الله في عمره

ترجمه: جب یزید نے اہل مدینہ کے ساتھ جو کرنا تھا وہ [ واقعہ حرہ ] کر دیا، اور [امام] حسین [ علیہ السلام ]، ان کے بھائیوں اور اعزاء و اقرباء کو شہید کیا، شراب خواری اور ہر قسم کے حرام اور خلاف [ شرع ] اعمال انجام دئیے تو عوام یزید سے متنفر ہو گئی اور بہت سے لوگوں نے یزید کے خلاف خروج (قیام) کیا اور اللہ نے اس کی عمر کو مبارک قرار نہیں دیا۔

(شمس الدين محمد بن أحمد بن عثمان الذهبي الوفاة: 748هـ ، تاريخ الإسلام ج 5 ، ص 30، ناشر: دار الكتاب العربي – لبنان/ بيروت – 1407هـ – 1987م ، الطبعة: الأولى ، تحقيق: د. عمر عبد السلام تدمرى)

اھل سنت عالم قاضی محمد ثناء اللہ پانی پتی اپنی تفیسر میں لکھتے ہیں :

“یذید اور اس کے حواریوں نے اللہ تعالی کی نعمتوں کی ناشکری کی کہ انہوں نے آل نبی ﷺ سے عداوت رکھی اور امام حسین رضی اللہ عنی کو ظلما قتل کیا یذید نے دین محمدی کا انکار کیا تھا جب اس نے امام حسین رض کو قتل کیا تھا اور اس نے یہ شعر کہے تھے جن کا مفہوم یہ تھا که:

میرے بزرگ کہاں ہیں ؟ وہ اپنی آنکھوں سے مشاہدہ کرتے میں نے آل محمد اور بنی ہاشم سے انتقام لیا ہے ۔۔۔۔۔۔۔

اسی طرح یزید نے شراب کو حلال قراردیا تھا ۔۔۔۔۔۔“

( تفسیر مظہری جلد 5 ص 327 سورہ ابراہیم آیت 28 )