خلافت کا حقدار

امام احمد بن حنبل کو فرماتے ہوئے سنا کہ رسول اللہ ع کے صحابہ امام علی علیہ السلام کی خلافت پر راضی ہوئے، اس پر انہوں نے اجماع کیا، بعض صحابہ سیدنا امام علی علیہ السلام کے پاس آتے تھے، آپ ع ان پر حد قائم کرتے تھے، اور کوئی اس پر انکار نہیں کرتا تھا، صحابہ ان کو خلیفہ کے نام سے پکارتے تھے، آپ خطبہ دیتے، مال غنیمت تقسیم کرتے اور صحابہ اس پر انکار نہیں کرتے تھے۔

میں نے یعنی راوی نے امام احمد بن حنبل سے پوچھا کہ کیا سیدنا مولا علی علیہ السلام کی خلافت ثابت ہے؟

پس امام احمد نے فرمایا : سبحان اللہ ! علی علیہ السلام حد قائم کرتے ہیں، چور کے ہاتھ کاٹتے ، صدقہ وصول کرتے ہیں اور غنائم تقسیم کرتے ہیں، تو کیا خیال ہے یہ سب بغیر حق کے کرتے ہیں؟ میں اللہ کی پناہ چاہتا ہوں کہ ناحق ان سے کچھ منسوب کروں ۔

ہاں ! سیدنا مولا علی علیہ السلام خلیفہ ہیں، صحابہ ان کی خلافت پر راضی تھے، وہ آپ کے پیچھے نماز ادا کر تے تھے، آپ کے ساتھ غزوے میں شریک ہوتے ، جہاد کرتے، حج کرتے اور ان کو امیر المومنین کے نام سے پکارتے تھے، صحابہ اس پر راضی تھے، انکار نہیں کرتے تھے ۔ پس ہم ان کی اطاعت کرتے ہیں اور ہم اللہ سے ان کی اطاعت پر ثواب کی امید رکھتے ہیں، ان شاء اللہ ۔ یہ اطاعت اس کے ساتھ اللہ و رسول کی اطاعت ہے جس کا انھوں نے حکم دیا ہے ۔”

کتاب السنہ // خلال // ج 1 // ص 334 // باب : 41 // رقم روایت : 595 // طبع سعودی عرب

سید حسنی الحلبی