درایتاً یہ روایت بالکل صحیح ھے
#روایت :
الديلمي أخبرنا أبي أخبرنا أبو طالب الحسيني حدثنا أحمد بن محمد بن عمر الفقيه الطبري حدثنا أبو المفضل محمد بن عبد الله الشيباني حدثنا ناصر بن الحسن بن علي حدثنا محمد بن منصور عن عيسى بن طاهر اليربوعي حدثنا أبو معاوية عن ليث عن طاوس عن ابن عباس قال قال رسول الله صلى الله عليه وسلم لو اجتمع الناس على حب علي بن أبي طالب لما خلق الله النار ۔
#ترجمہ :
ابن عباس رضی اللہ عنہما سے مروی ہے کہ رسول اللہ صلی اللہ علیہ و آلہ وسلم نے فرمایا اگر لوگ علی بن ابی طالب رضی اللہ تعالیٰ عنہٗ کی محبت پر جمع ہوجاتے تو اللہ تعالیٰ جہنم کو پیدا نہ کرتا ۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس روایت کو دیلمی نے اپنی کتاب مسند فردوس میں نقل کیا ھے
جبکہ اس روایت کو اسی سند سے خطیب خورازمی نے اپنی کتاب المناقب میں نقل کیا ھے
اس حدیث کے متعلق حقیر نے پہلے بھی ایک تحریر لکھی تھی
اس روایت میں بہت سے رواۃ کے نام ہیں
رواة الحدیث کون ہیں یہ سمجھنا مشکل ہے
جیسے کہ ناصر بن حسین بن علی
احمد بن محمد بن عمر الفقیہ الطبری
یحیحی بن طاہر الیربوعي
دوسرا اس روایت میں لیث بن سلیم سخت ضعیف ھے
بہتر ھے کہ پہلے اس تحریر کو پڑھا جائے پھر ہم اس روایت کی درایت پر کلام کرتے ہیں ۔۔۔
پھر احمد بن حنبل کے قول کو شواہد میں پیش کریں گے
“اگر ساری دنیا محبت علی ؑ پر جمع ہو جاتی
تو خدا جہنم کو پیدا نہ کرتا”
ابو منصور الحافظ شیرویہ بن شہردار دیلمی
(متوفی 505 ھجری)
اور یہ عظیم محدث (445 ھجری) میں ہمدان میں پیدا ہوئے۔۔۔
نسب کے لحاظ سے عجمی تھے
ان کا سلسلہ نسب صحابی رسول ﷺ حضرت فیروز دیلمی سے ملتا ھے جنہوں نے مدعی نبوت اسود عنسی کو قتل کیا تھا
حافظ شیرویہ مشہور حفاظ اور صاحب تصنیف میں تھے ذہبی نے ان کے حسن معرفت کا ذکر کیا ھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
#کتاب_الـفـردوس کا مختصر تعارف
یہ کتاب قضاعی کی کتاب” الشہاب ” پر مستخرج ھے
اس لیے اس کا نام “فردوس الاخبار بما ثور الخطاب المخرج علی کتاب الشہاب” ھے #اسکین3
اس میں دس ہزار کے قریب چھوٹی چھوٹی احادیث ہیں
اس کتاب کی ترتیب جامع الصغیر کی طرح حروف تہجی پر ھے
پہلے اس کتاب میں رواة کا ذکر تھا
سندوں کا ذکر موجود نہیں تھا
اس کے بعد حافظ شیرویہ کے بیٹے محدث شہردار نے چار جلدوں میں از سر نو اصحاب کے ناموں پر مرتب کیا اور ہر ہر حدیث کو سنداً بیان کیا
فقہی مذھب کے لحاظ سے حافظ دیلمی امام شافعی کے پیروکار تھے ۔۔۔۔ان کا ذکر طبقات الشافیعہ میں ملتا ھے
انہوں نے اس روایت کو ابن عباس ؓ کے طریق سے مکمل سند کے ساتھ بیان کیا ھے اور ۔۔۔
اس کتاب کی حافظ ابن حجر عسقلانی نے” تسدید القوس ” کے نام سے الگ ایک تخریج کی تھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس میں “حافظ ابن حجر عسقلانی” نے “مسند الفردوس” کا اختصار کیا ہے۔۔۔
طریقہ کار یہ ہے کہ ہر حدیث کا ابتدائی حصہ یا معروف حصہ ذکر کرتے ہیں ، اس کے ساتھ تخریج بھی کرتے ہیں کہ کس کتاب میں یہ روایت موجود ہے
اس کتاب میں حافظ ابن حجر کے پیش نظر اختصار ہے ۔ انھوں نے تین چیزوں میں اختصار سے کام لیا ہے :
1۔ احادیث ذکر کرنے میں کیونکہ حافظ ابن حجر عسقلانی نے مسند الفردوس میں ذکر کردہ تمام احادیث ذکر نہیں کیں بلکہ ان میں سے احادیث کو منتخب کیا ہے ۔2 ۔ متنِ حدیث میں اختصار ،حافظ ابن حجر متن حدیث بھی مکمل ذکر نہیں کرتے
بلکہ اس کا ایک معروف حصہ ذکر کردیتے ہیں ۔
3 ۔ طریقہ ِتخریج میں اختصار ،چونکہ تخریج بھی کتاب کی طوالت کا سبب تھا ،
اسی لیے حافظ ابن حجر نے تخریج میں بھی اختصار کیا بایں طور کہ محض مصنفِ کتاب کا نام ذکر کیا ۔
البتہ ضرورتاً کتاب کا نام بھی ذکر کردیتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم نے جو حوالہ فردوس الاخبار کا نقل کیا ھے
یہ ابن حجر عسقلانی کا تخریج شدہ ھے اور ساتھ ہی
ابن شیرویہ شہردار (المتوفی 950 ھجری) کا ھے
اسی میں روایت نقل ھے
الحافظ ابی منصور شیرویہ بن شھردار بن شیرویہ الدیلمی
مسند فردوس الاخبار میں اپنے والد سے روایت نقل کرتے ہیں ، لکھتے ہیں :
أخبرنا الامام والدي رحم اللہ قال حدثنا السید ابو طالب الحسنی حدثنا احمد بن محمد بن عمر الفقیہ الطبری حدثنا ابو الفضل محمد بن عبداللہ شیبانی حدثنا ناصر بن الحسین بن علی حدثنا محمد بن منثور عن یحیحی بن طاہر الیربوعي حدثنا ابو معاویہ عن لیث بن سلیم عن طاؤس عن ابن عباس رض قال قال رسول اللہ ﷺ :
“لواجتمع الناس علی حب علی ابن ابی طالب ؑ لما خلق اللہ عزوجل النار “
“اگر ساری دنیا محبت علی ؑ پر جمع ہو جاتی تو خدا جہنم کو پیدا ہی نہ کرتا !”
(مسند الفردوس الاخبار الدیلمی ج 3 ص 415 ح 5175)
لیث بن ابی سلیم
ضعیف الحدیث
مضطرب الحدیث ھے
حافظ ذھبی سیر اعلام النبلاء میں لکھتے ہیں
قال عبد الملك أبو الحسن الميموني سمعت يحيى ذكر ليث بن أبي سليم فقال : ضعيف الحديث عن طاوس ، فإذا جمع طاوسا وغيره ، فالزيادة هو ضعيف
عبدالملک ابو الحسن المیمونی نے کہا کہ یحیحی نے
لیث بن سلیم کا ذکر کرتے ہوۓ کہا کہ لیث بن سلیم طاوس سے روایت کرنے میں ضعیف ھے
(سیر اعلام النبلاء )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسی روایت کو خطیب خوارزمی نے اپنی کتاب “المناقب” میں حافظ شیرویہ بن شہردار دیلمی سے بھی بیان کیا ھے
یہ روایت سند کے لحاظ سے ضعیف ھے
لیکن درائت پر یہ روایت صحیح ھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
#متن :”علی قسیم النار والجنة “
احمد بن حنبل سے ایک روایت
“علی قسیم النار والجنة ” پر سوال ہوا
ملاحظہ فرمائیں اس کا جواب جو احمد بن حنبل نے دیا
جو واضح کرے گا کہ یہ روایت متن کے لحاظ سے بالکل صحیح ھے اور کیوں “علی قسیم النار والجنة”اس حدیث کی شاہد حدیث ھے
اگرچہ یہ روایت سند کے حساب سے ضعیف ہے لیکن اس کا متن صحیح احادیث کے مطابق ہے اور یہ اس حدیث کی شاہد بن جاۓ گی !
کیوں کے یہ نـــبی (ص) کی حدیث ہے
جس کے راوی مولا عــلی (ع) ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قَالَ : وَالَّذِي فَلَقَ الْحَبَّۃَ وَبَرَأَ النَّسَمَۃَ إِنَّہ، لَعَہْدُ النَّبِيِّ الْأُمِّيِّ صَلَّی اللّٰہُ عَلَیْہِ وَسَلَّمَ إِلَيَّ أَنَّہ، لَا یُحِبُّنِي إِلَّا مُؤْمِنٌ وَلَا یُبْغِضُنِي إِلَّا مُنَافِقٌ
سیدنا علی ع فرماتے ہیں:
“اس ذات کی قسم، جس نے دانے کو پھاڑا اور جان پیدا کی! مجھے رسول اللہ صلی اللہ علیہ وسلم نے ایک وعدہ دیا تھا کہ مجھ سے کوئی مومن ہی محبت کرے گا اور مجھ سے عداوت کوئی منافق ہی رکھے گا۔”
#حــوالہ: (مسلم شریف )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب واضح بات ہے اور قرآن مجید میں اللہ نے فرمایا اور احادیث صحیحہ میں ہے کہ
منافق جنت میں نہیں جائے گا، جــنت میں فقط مومن جائے گا اور مومن وہی ہے جو عـــلی(ع) سے محبت رکھتا ہے اگر پوری کائنات کے لوگ علی علیہ السلام سے محبت کرتے تو سب کے سب مومن ہوتے اور جنت مومن کے لئے ہے !
اور اس موضوع کے متعلق بھترین استدلال کیا امام احمد بن حنبل نے طبقات الحنابلہ میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
“عـــــــلی قـــــســــــیم النـــــار والـــــجــــنة،
کی تـشـریـح
امـــــام احــــــمد بن حــــــنبل کی زبـــــانی “
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راوی کہتا ہے ہم امام ( اہل سنت والجماعت)احمد بن حنبل کے پاس بیٹھے تھے ایک شخص نے کہا :
اے عبداللہ ! ( کنیت ہے امام ابن حنبل کی)
آپ اس حدیث کے بارے میں کیا فرماتے ہیں
جو مولا عــلی( ابن ابی طالب علیہ السلام ) سے روایت ہے
مولا علی علیہ السلام نے فرمایا:
“انا قـــســـیم النــار والـجــــنة”
میں جنت اور جھنـم کو تقسیم کرنے والا ہوں!
تو امام احمد ابن حنبل نے فرمایا :
کیا آپ اس حدیث سے انکار کرتے ہیں ؟
کیا یہ روایت نبـی اکرم( ص) سے نہیں ہے ؟؟
نبـــی اکرم (ص) نے علـــــی( ابن ابی طالب ع) کے لئے ارشاد فــرمایا :
اے عـــلی(ع) آپ سے محبت نہیں کرے گا سواء مــــــومـــــن کے،اور بغض نہ رکھے گا سواء مـــــنافــــــق کے
راوی کہتا ہے میں نے کہا جی نبی اکرم(ص) نے اس طرح فـــــرمایا ہے
وہ شخص کہتا ہے امام احمد بن حـــنبل نے سوال کیا
مومن کہاں ہوں گے؟؟
میں نے کہا : جنت میں
پھر امام حنبل نے سوال کیا : منافق کہاں ہوں گے؟
تو میں نے جواب میں کہا : جھنم میں،
اس وقت امام احمد بن حنبل نے فرمایا :
یہی تو مطلب ہے” عـــــلی قــسـیم النــار والجـــنة “کا
(منهم الحافظ ابن أبي الفوارس في (الأربعين) (ص 44) المخطوط قال:
الحديث الثالث والثلاثون – أخبرنا أبو عبد الله محمد بن أبي بكر القرواني في مشهد علي بن جعفر بن محمد، عن الحسين بن علي بن أبي طالب عليه السلام، يرفعون الحديث إلى سعد بن عبادة قال: قال رسول الله صلى الله عليه وآله وسلم لما عرج بي إلى السماء فكنت من ربي كقاب قوسين أو أدنى إذ سمعت النداء من قبل الله تعالى يقول:
يا محمد من تحب أن يكون معك في الأرض؟ فقلت : أحب من يحبه العزيز الجبار ويأمر بمحبته، فسمعت النداء من قبل الله تعالى يقول:
يا محمد أحب عليا فإني أحبه وأحب من يحبه، قال: فبكى جبرئيل عليه السلام حتى علا نجيبه وقال: والذي بعثك بالحق نبيا لو أن أهل الأرض يحبون عليا كما تحبه أهل السماء ما خلق الله النار يعذب بها أحدا من عباده والسلام – وغيرهم من العلماء الذي نقلوا هذا الحديث ولم يشككوا فيه الا اهل النصب و من عرف عن نفاقه
وهذه المصادر و الاسانيد المختلفة تؤكد إن الحديث شك في صدوره من النبي صلى الله عليه واله بحق امير المؤمنين عليه السلام
یہ روایت بھی موافقت میں لی جاۓ گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ روایت سند کے لحاظ سے اگرچہ ضعیف ہے لیکن درایت کے حساب سے قابل استدلال ہے ۔۔۔کیونکہ اسکی متابعت میں اسی جیسا متن رکھنے والی روایات موجود ہیں !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تـحقیق و تـخریج : سید ساجد بخاری
