امت میں سب سے زیادہ علم رکھنے والے

مولا علی علیہ السلام کے وہ اوصاف جو آپکو دیگر حضرات صحابہ کرام رضوان اللہ علیہم اجمعین سے ممتاز بناتے ہیں ان میں ایک یہ صفت بھی ہے کہ آپ رسول اللہ صلی اللہ علیہ وآلہ وسلم کے بعد اس امت میں سب سے زیادہ علم رکھنے والے ہیں جس کی تصریحات ہمیں صحابہ و تابعین سے موصول ہوئی ہیں ۔

[ #صحابـی_رسـول_ﷺ_کـی_گـواہـی ]

امام الحافظ ابو عبداللہ الحاکم نیشاپوری م405ھ رحمہ اللہ فرماتے ہیں :

فَحَدَّثَنَا بِشَرْحِ، هَذَا الْحَدِيثِ الشَّيْخُ أَبُو بَكْرِ بْنُ إِسْحَاقَ، أَنَا الْحَسَنُ بْنُ عَلِيِّ بْنِ زِيَادِ السَّرِيُّ، ثَنَا حَامِدُ بْنُ يَحْيَى الْبَلْخِيُّ بِمَكَّةَ، ثَنَا سُفْيَانُ، عَنْ إِسْمَاعِيلَ بْنِ أَبِي خَالِدٍ، عَنْ قَيْسِ بْنِ أَبِي حَازِمٍ، قَالَ: كُنْتُ بِالْمَدِينَةِ فَبَيْنَا أَنَا أَطُوفُ فِي السُّوقِ إِذْ بَلَغْتُ أَحْجَارَ الزَّيْتِ، فَرَأَيْتُ قَوْمًا مُجْتَمِعِينَ عَلَى فَارِسٍ قَدْ رَكِبَ دَابَّةً، وَهُوَ يَشْتِمُ عَلِيَّ بْنَ أَبِي طَالِبٍ، وَالنَّاسُ وُقُوفٌ حَوَالَيْهِ إِذْ أَقْبَلَ سَعْدُ بْنُ أَبِي وَقَّاصٍ فَوَقَفَ عَلَيْهِمْ، فَقَالَ: «مَا هَذَا؟» فَقَالُوا: رَجُلُ يَشْتِمُ عَلِيَّ بْنَ أَبِي طَالِبٍ، فَتَقَدَّمَ سَعْدٌ فَأَفْرَجُوا لَهُ حَتَّى وَقَفَ عَلَيْهِ فَقَالَ: «يَا هَذَا، عَلَامَ تَشْتُمُ عَلِيَّ بْنَ أَبِي طَالِبٍ؟ أَلَمْ يَكُنْ أَوَّلَ مَنْ أَسْلَمَ؟ أَلَمْ يَكُنْ أَوَّلَ مَنْ صَلَّى مَعَ رَسُولِ اللَّهِ صَلَّى اللهُ عَلَيْهِ وَسَلَّمَ؟ أَلَمْ يَكُنْ أَزْهَدَ النَّاسِ؟ #أَلَمْ_يَكُنْ_أَعْلَمَ_النَّاسِ؟» وَذَكَرَ حَتَّى قَالَ: «أَلَمْ يَكُنْ خَتَنَ رَسُولِ اللَّهِ صَلَّى اللهُ عَلَيْهِ وَسَلَّمَ عَلَى ابْنَتِهِ؟ أَلَمْ يَكُنْ صَاحِبَ رَايَةِ رَسُولِ اللَّهِ صَلَّى اللهُ عَلَيْهِ وَسَلَّمَ فِي غَزَوَاتِهِ؟» ثُمَّ اسْتَقْبَلَ الْقِبْلَةَ وَرَفَعَ يَدَيْهِ، وَقَالَ: «اللَّهُمَّ إِنَّ هَذَا يَشْتِمُ وَلِيًّا مِنْ أَوْلِيَائِكَ، فَلَا تُفَرِّقْ هَذَا الْجَمْعَ حَتَّى تُرِيَهُمْ قُدْرَتَكَ» . قَالَ قَيْسٌ: فَوَاللَّهِ مَا تَفَرَّقْنَا حَتَّى سَاخَتْ بِهِ دَابَّتُهُ فَرَمَتْهُ عَلَى هَامَتِهِ فِي تِلْكَ الْأَحْجَارِ، فَانْفَلَقَ دِمَاغُهُ وَمَاتَ «هَذَا حَدِيثٌ صَحِيحٌ عَلَى شَرْطِ الشَّيْخَيْنِ، وَلَمْ يُخَرِّجَاهُ»

[التعليق – من تلخيص الذهبي] – على شرط البخاري ومسلم

ترجمہ : قیس بن ابی حازم رحمہ اللہ بیان کرتے ہیں کہ میں مدینہ میں تھا ایک دفعہ کا ذکر ہے کہ میں بازار میں جارہا تھا میں مقام احجار الزیت پر پہنچا میں نے دیکھا کہ ایک شخص سواری پر سوار تھا، کافی سارے لوگ اس کے ارد گرد جمع تھے وہ شخص سیدنا علی علیہ السلام کو #گالیاں دے رہا تھا اسی اثناء میں سیدنا سعد بن ابی وقاص رضی اللہ عنہ وہاں تشریف لائے اور وہ بھی وہیں کھڑے ہو گئے ۔

لوگوں سے پوچھا: کیا ہوا؟ لوگوں نے بتایا کہ ایک آدمی سیدنا علی ابن ابی طالب علیہ السلام کو گالیاں دے رہا ہے، حضرت سعد آگے بڑھے ، لوگوں نے ان کو راستہ دے دیا، حضرت سعد اس آدمی کے قریب آگئے ، اور فرمایا: ارے تم علی ابن ابی طالب کو گالیاں کیوں دے رہو؟ کیا وہ سب سے پہلے مسلمان نہیں ہوئے تھے ؟ کیا وہ رسول اللہ ﷺ کے پیچھے نماز پڑھنے والے سب سے پہلے شخص نہیں تھے؟ کیا وہ سب سے زیادہ دنیا سے بے رغبت نہیں تھے؟

#کیا_وہ_سب_سے_زیادہ_علم_رکھنے_والے_نہیں_تھے؟ اس کے علاوہ بھی حضرت سعد نے حضرت علی کے کافی فضائل گنوائے حتی کہ یہ بھی کہا: کیا وہ رسول اللہ ﷺ کے داماد نہیں تھے ؟ کیا وہ غزوات میں رسول اللہ ﷺ کے علمبر دار نہیں تھے اس کے بعد حضرت سعد نے قبلہ رو ہو کر ہاتھ بلند کر کے یوں دعا مانگی

” اے اللہ! یہ شخص تیرے ایک #ولی_کو_گالی دے رہا ہے، یا اللہ یہ مجمع ختم ہونے سے پہلے تو اپنی قدرت کا کرشمہ دکھا دے ( اور لوگ تیرے ولی کو گالی دینے والے کا انجام اپنی آنکھوں سے دیکھ لیں ) حضرت قیس کہتے ہیں: خدا کی قسم! ہم ابھی وہاں سے ہٹے نہیں تھے کہ اس کی سواری بدک گئی، اس سواری نے اس آدمی کو سر کے بل پتھروں میں گرا دیا جس کی وجہ سے اس کی #کھوپڑی کھل گئی اور اس کا #بھیجا باہر آ گیا اور وہ وہیں پر عبرتناک #موت مر گیا۔

امام حاکم رحمہ اللہ فرماتے ہیں یہ حدیث امام بخاری اور امام مسلم کے معیار کے مطابق صحیح ہے لیکن شیخین نے اس کو نقل نہیں کیا۔

ایسا ہی امام ذھبی رحمہ اللہ نے تلخیص میں فرمایا

(كتاب المستدرك على الصحيحين – ط العلمية رقم الحدیث 6121 وسندہ صحیح)

حافظ ابو الحسن ابن مغازلی مالکی م483ھ رحمہ اللہ نے بھی اس روایت کو اختصار کے ساتھ ذکر کیا ہے :

وقال: حدثنا محمد بن القاسم، حدثنا محمد بن الحسين، حدثنا جندل بن والق الثعلي، حدثنا عمر بن طلحة عن أسباط بن نصر عن السدي قال: كنت غلاماً بالمدينة ألعب عند أحجار الزيت فجاء راكبٌ على بعير فجعل يسب علياً! وجعل الناس يجتمعون حوله، فأقبل سعد بن أبي وقاص فرفع يده وقال: اللهم إن كان يذكر عبداً صالحاً فأر الناس به خزياً، فنفر به بعيره فاندقت عنقه. أبعده الله وأسحقه!.

( كتاب مناقب علي لابن المغازلي رقم الحدیث 109 وسندہ حسن )

اس حدیث میں ان لوگوں کے لیے بھی عبرت ہے جنہوں نے اپنا دن رات کا یہ شیوہ بنا رکھا ہے کہ مولائے کائنات امیر المومنین علی ابن ابی طالب علیہ الصلوۃ والسلام کی کسی نہ کسی طرح سے تنقیص کی جائے وہیں اس حدیث پاک میں بزبان صحابی رسول صلی اللہ علیہ وآلہ وسلم مولا علی علیہ السلام کے اعلم الناس ہونے کی تصریح بھی موجود ہے ۔

[ #تابعـی_کبیـر_کـی_گـواہـی ]

امام الحافظ ابو بکر بن ابی شیبہ م235ھ رحمہ اللہ فرماتے ہیں :

حَدَّثَنَا عَبْدَةُ بْنُ سُلَيْمَانَ عَنْ عَبْدِ الْمَلِكِ بْنِ أَبِي سُلَيْمَانَ قَالَ: قُلْتُ لِعَطَاءٍ: كَانَ فِي أَصْحَابِ رَسُولِ اللَّهِ صَلَّى اللهُ عَلَيْهِ وَسَلَّمَ أَحَدٌ أَعْلَمَ مِنْ عَلِيٍّ؟ قَالَ: «لَا , وَاللَّهُ أَعْلَمَهُ»

(كتاب المصنف – ابن أبي شيبة – ت الحوت 6/371 وسندہ صحیح)

عبدالملک بن ابی سلیمان کہتے ہیں میں نے عطا بن ابی رباح رحمہ اللہ سے پوچھا کیا رسول اللہ صلی اللہ علیہ والہ وسلم کے صحابہ میں علی ابن ابی طالب علیہ الصلوۃ والسلام سے زیادہ علم رکھنے والا کوئی ہے ؟؟ تو امام عطاء نے جواب دیا نہیں (ان سے بڑا کوئی عالم نہیں) اور اللہ بہتر جانتا ہے ۔

عطاء بن ابی رباح رحمہ اللہ وہ شخصیت ہیں جن کے بارے میں فقیہ ملت امام اعظم امام ابو حنیفہ م150ھ رحمہ اللہ نے فرمایا :

«ما رأيت أفضل من عطاء»

میں نے عطاء بن ابی رباح سے افضل کوئی دیکھا ہی نہیں ہے ۔

( كتاب الكامل في ضعفاء الرجال 8/237 وسندہ صحیح )

[ #خـود_امیـر_المؤمنیـن_کا_فرمـان ]

امام الحافظ ابو عبداللہ الحاکم نیشاپوری م405ھ رحمہ اللہ فرماتے ہیں :

أَخْبَرَنَا أَبُو الْحَسَنِ عَلِيُّ بْنُ مُحَمَّدِ بْنِ عُقْبَةَ، ثنا الْحَسَنُ بْنُ عَلِيِّ بْنِ عَفَّانَ، ثنا مُحَمَّدُ بْنُ عُبَيْدٍ الطَّنَافِسِيُّ، ثنا بَسَّامُ بْنُ عَبْدِ الرَّحْمَنِ الصَّيْرَفِيُّ، ثنا أَبُو الطُّفَيْلِ، قَالَ: رَأَيْتُ أَمِيرَ الْمُؤْمِنِينَ عَلِيَّ بْنَ أَبِي طَالِبٍ رَضِيَ اللَّهُ عَنْهُ قَامَ عَلَى الْمِنْبَرِ، فَقَالَ: «سَلُونِي قَبْلَ أَنْ لَا تَسْأَلُونِي وَلَنْ تَسْأَلُوا بَعْدِي مِثْلِي» قَالَ: فَقَامَ ابْنُ الْكَوَّاءِ فَقَالَ: يَا أَمِيرَ الْمُؤْمِنِينَ، مَا الذَّارِيَاتِ ذَرُوًا قَالَ: «الرِّيَاحُ» قَالَ: فَمَا {الْحَامِلَاتِ وِقْرًا} قَالَ: «السَّحَابُ» . قَالَ: فَمَا الْجَارِيَاتِ يُسْرًا قَالَ: «السُّفُنُ» . قَالَ: فَمَا الْمُقَسِّمَاتِ أَمْرًا قَالَ: «الْمَلَائِكَةُ» . قَالَ: فَمَنِ الَّذِينَ بَدَّلُوا نِعْمَةَ اللَّهِ كُفْرًا وَأَحَلُّوا قَوْمَهُمْ دَارَ الْبَوَارِ جَهَنَّمَ قَالَ: «مُنَافِقُو قُرَيْشٍ» هَذَا حَدِيثٌ صَحِيحُ الْإِسْنَادِ وَلَمْ يُخَرِّجَاهُ “

صحابی رسول سیدنا ابو طفیل عامر بن واثلہ رضی اللہ عنہ فرماتے ہیں میں نے امیر المؤمنین علی ابن ابی طالب علیہ السلام کو دیکھا آپ منبر پر جلوہ افروز ہوئے اور فرمایا «مجھ سے پوچھ لو اس سے قبل کے تم مجھ سے پوچھ نا سکو اور میرے بعد مجھ جیسا کوئی آدمی تمہیں نہیں ملے گا جس سے تم سوال کر سکو» راوی کہتے ہیں ابن الکواء کھڑا ہوا اور بولا اے امیر المؤمنین ”قسم انکی جو بکھیر کر اڑانے والیاں ہیں“ (القرآن) اس سے مراد کیا ہے ؟؟ مولا علی نے فرمایا “ہوائیں“ پھر ابن الکواء نے کہا ”بوجھ اٹھانے والیاں“ اس سے کیا مراد ہے ؟؟ آپ نے فرمایا ”بادل“ پھر سوال کیا ”نرم چلنے والیاں“ سے کیا مراد ہے ؟؟ فرمایا ”کشتیاں“ پھر سوال کیا ”حکم سے بانٹنے والیاں“ سے کیا مراد ہے فرمایا “فرشتے” پھر سوال کیا وہ کون ہیں جنکے بارے میں باری تعالیٰ نے فرمایا : جنہوں نے اللہ کی نعمت نا شکری سے بدل دی اور اپنی قوم کو تباہی کے گھر لا اتارا آپ نے فرمایا وہ قریش کے منافقین ہیں ۔

امام حاکم فرماتے ہیں : یہ حدیث صحیح الاسناد ہے لیکن بخاری و مسلم نے اسے نقل نہیں کیا ۔ تلخیص میں امام ذھبی نے بھی اسے صحیح کہا ۔

( كتاب المستدرك على الصحيحين – ط العلمية 2/506 وسندہ صحیح )

( كتاب المستدرك على الصحيحين – ط العلمية 2/383 وسندہ صحیح )

( كتاب تفسير عبد الرزاق 3/234 وسندہ صحیح )

«سلوني» یہ اتنا بڑا دعویٰ ہے کہ جو شخص أعلم الناس نہیں وہ یہ دعوی کر ہی نہیں سکتا اور یہ بھی امیر المومنین علی ابن ابی طالب علیہ الصلوۃ والسلام کی خصوصیت ہے کہ اپ کے سوا صحابہ کرام رضوان اللہ تعالی علیہم اجمعین میں سے کسی نے یہ دعوی نہیں کیا ملاحظہ فرمائیں :

امام المغرب حافظ ابن عبدالبر اندلسی م463ھ رحمہ اللہ فرماتے ہیں :

وَأَخْبَرَنَا عَبْدُ الْوَارِثِ بْنُ سُفْيَانَ، حَدَّثَنَا قَاسِمُ بْنُ أَصْبَغَ، نا أَحْمَدُ بْنُ زُهَيْرٍ نا إِبْرَاهِيمُ بْنُ بَشَّارٍ، نا سُفْيَانُ بْنُ عُيَيْنَةَ قَالَ: حَدَّثَنَا يَحْيَى بْنُ سَعِيدٍ، عَنْ سَعِيدِ بْنِ الْمُسَيِّبِ قَالَ: ” مَا كَانَ أَحَدٌ مِنَ النَّاسِ يَقُولُ: سَلُونِي غَيْرَ عَلِيِّ بْنِ أَبِي طَالِبٍ رَضِيَ اللَّهُ عَنْهُ “

سید التابعین سعید بن مسیب رحمہ اللہ نے فرمایا صحابہ کرام میں سے کوئی یہ نہیں کہتا تھا کہ مجھ سے پوچھ لو سوائے علی بن ابی طالب علیہ السلام کے ۔

( كتاب جامع بيان العلم وفضله 1/463 وسندہ صحیح )

[ #ام_المـؤمنیـن_کـی_گواہـی ]

امام الحافظ محمد بن سلیمان الباغندی م283ھ رحمہ اللہ فرماتے ہیں :

حَدَّثَنَا قَبِيصَةُ بْنُ عُقْبَةَ، ثنا سُفْيَانُ الثَّوْرِيُّ، عَنْ فُلَيْتٍ , عَنْ جَسْرَةَ، قَالَتْ: ذُكِرَ عِنْدَ عَائِشَةَ صَوْمُ عَاشُورَاءَ، فَقَالَتْ: «مَنْ يَأْمُرُكُمْ بِصَوْمِهِ»؟ قَالُوا: عَلِيُّ بْنُ أَبِي طَالِبٍ، قَالَتْ: «هُوَ أَعْلَمُ مَنْ بَقِيَ بِالسُّنَّةِ»

جسرة بنت دجاجہ کہتی ہیں ام المومنین سیدہ عائشہ صدیقہ رضی اللہ تعالی عنہا کے پاس عاشور کے روزے کا ذکر ہوا تو آپ نے فرمایا کون تمہیں اس کو رکھنے کا حکم دیتا ہے تو کہا گیا امیر المومنین علی ابن ابی طالب علیہ السلام آپ نے فرمایا وہ سنت کے سب سے بڑے عالم ہیں ۔

( كتاب أمالي الباغندي ص47 وسندہ حسن )

امام الحافظ ابو الحسن دارقطنی م385ھ رحمہ اللہ فرماتے ہیں :

حَدَّثَنا القاضي الحُسَين بن إسماعيل , حَدَّثَنا حُمَيد بن الرَّبيع , حَدَّثَنا يَحْيى بن يمان , عن سُفْيان , عن جَخْدَب , عن عَطَاء , عن عائشة قالت: عَليّ بن أبي طالب أعلمُ النَّاسِ بالسُنَّة.

عطاء بن ابی رباح رحمہ اللہ فرماتے ہیں سیدہ عائشہ صدیقہ رضی اللہ عنہا نے فرمایا علی بن ابی طالب علیہ السلام سنت کے سب سے زیادہ جاننے والے ہیں ۔

( كتاب المؤتلف والمختلف للدارقطني 1/526 وسندہ حسن في المتابعات )

اللہ تعالی امیر المؤمنین مولا علی بن ابی طالب علیہ الصلوۃ والسلام کی محبت میں زندگی بسر کرنے کی توفیق عطا فرمائے آمین ۔

خادم الحدیث النبوی ﷺ سید محمد عاقب حسین

.

.

.