وأزواجه امهاتهم

جواب :

قرآن كريم ميں ارشادِ بارى تعالى ہوتا ہے :

النَّبِيُّ أَوْلى‏ بِالْمُؤْمِنينَ مِنْ أَنْفُسِهِمْ وَ أَزْواجُهُ أُمَّهاتُهُم‏ ۔ (سورة الأحزاب : آيت ۶ )

نبى مؤمنين كى جانوں پر اولويت ركھتے ہيں اور ان كى ازوج مؤمنين كى مائيں ہيں ۔

قرآن كريم كى آيت واضح طور پر بتا رہى ہے كہ نبى اكرم صلى اللہ عليہ وآلہ وسلم كى بيوياں مؤمنين كى مائيں ہيں ۔ اس ليے اس حقيقت كا انكار نہيں كيا جا سكتا ۔ البتہ اس كا يہ مطلب نہيں ہے كہ ماں سے كوئى خطاء يا غلطى نہيں ہو سكتى يا اگر وہ كوئى خطاء كرے تو اولاد اس ميں ان كا ساتھ دے !! كيونكہ اسلام ہميشہ ضابطہ اور اصول پيش كرتا ہے جس پر افراد كو پركھا جاتا ہے ۔ اسلام نے والدين كى عزت و توقير كا حكم ديا ہے ليكن ان كى مطلقا اطاعت كا حكم نہيں ديا ۔ يہى وجہ ہے كہ ايسا ہوتا ہے كہ والدين مسلم ہو تو بچہ مشرك يا برعكس ۔ والدين كى اطاعت صرف ان امور ميں ہے جن ميں ان كى اطاعت اللہ كى اطاعت سے نہيں ٹكراتى ۔

امہات المؤمنين اگرچے مؤمنين كى مائيں ہيں ليكن حقيقى ماں كى طرف كسى صورت نہيں ہيں ۔ يہى وجہ ہے كہ ازواجِ رسول ص پر پردہ كرنا واجب تھا جبكہ اولاد سے كوئى ماں پردہ نہيں كرتى ۔ اگر نبى اكرم صلى اللہ عليہ وآلہ وسلم كى بيوياں حقيقى ماں ہوتيں تو تمام مسلمان ان سے ہاتھ ملا سكتے ، انہيں بے پردہ ديكھ سكتے ، ان سے گفتگو كر سكتے ۔۔۔ ليكن يہ سب امور شدت كے ساتھ اسى سورہ احزاب ميں حرام قرار ديئے گئے ہيں ۔ پس يہاں سے معلوم ہوا كہ انہيں مؤمنين كى مائيں كہنے كى كوئى اور وجہ ہے ۔

ازواجِ نبى صلى اللہ عليہ وآلہ كو مؤمنين كى مائيں كہنے كى وجوہات دو بيان كى گئى ہيں :

۱۔ ان سے نكاح نہيں ہو سكتا ۔

صرف نكاح كے پہلو سے ماں كى طرح ہيں كہ جيسے ماں سے اولاد نكاح نہيں كر سكتى اسى طرح مؤمنين رسول اللہ صلى اللہ عليہ وآلہ وسلم كى بيويوں سے نكاح نہيں كر سكتيں ۔ جبكہ ماں سے مربوط باقى فقہى امور ان ازواج پر جارى نہيں ہوتے ۔

۲۔ ان كا احترام كيا جائے جيساكہ ہر شخص اپنى ماں كى عزت كرتا ہے چاہے وہ خطا كار ہى كيوں نہ ہو ۔ ازواجِ نبى ص كا احترام نبى اكرم صلى اللہ عليہ وآلہ وسلم كى وجہ سے ہے ۔ لہذا ان كى خطاؤں سے صرفِ نظر كرتے ہوئے انہيں احترام دينا چاہيے ۔

روايات :

بصائر الدرجات ميں امام جعفر صادق عليہ السلام سے روايت منقول ہے جس ميں آپ عليہ السلام فرماتے ہيں :

وَ قَالَ اللَّهُ تَبَارَكَ وَ تَعَالَى : النَّبِيُّ أَوْلى‏ بِالْمُؤْمِنِينَ مِنْ أَنْفُسِهِمْ وَ أَزْواجُهُ أُمَّهاتُهُمْ‏ ، وَ هُوَ أَبٌ لَهُمْ ثُمَّ قَالَ : وَ لا تَنْكِحُوا ما نَكَحَ آباؤُكُمْ مِنَ النِّساء ۔ (بصائر الدرجات ، ج ۱ ، ص ۵۳۲ )

اور اللہ تبارك وتعالى فرماتا ہے : ’’ نبى مؤمنين كى جانوں پر واولويت ركھتے ہيں اور ان كى ازواج مؤمنين كى مائيں ہيں‘‘ ( امام ع فرماتے ہيں كہ اس آيت كا يہ مطلب ہوا كہ ) نبى ان مؤمنين كے باپ ہوئے ، پھر اللہ نے فرمايا : ’’ اور تم ان سے نكاح نہ كرو جن عورتوں سے تمہارے آباء نے نكاح كيا ہے‘‘‘ ۔

اس روايت ميں واضح بيان ہوا كہ ازواج كو مؤمنين كى مائيں اس ليے كہا گيا ہے كہ كيونكہ نبى اكرم صلى اللہ عليہ وآلہ وسلم ان مؤمنين كے باپ ہيں اور باپ كى بيوى سے اولاد نكاح نہيں كر سكتى ۔ البتہ آپ ص كو باپ كہنا بھى حقيقى و نسبى باپ نہيں ہے بلكہ اولويت كے اعتبار سے ہے كہ جيسے باپ اپنى اولاد كا سرپرست ہوتا ہے اسى طرح نبى اكرم ص تمام مؤمنين كے سرپرست ہيں ۔ اگر نسبى باپ مراد ہوتا تو آپ ص امت كے كسى فرد سے شادى نہ كر سكتے اور تمام عورتوں پر آپ ص سے پردہ واجب نہ ہوتا ۔ جبكہ آپ ص سے پردہ كرنا عورتوں پر واجب تھا اور آپ ص شادى كا حق بھى ركھتے تھے ۔ لہذا ان آيات پر دقت كر كے مطلب لينا چاہيے كہ كس اعتبار سے باپ اور كس اعتبار سے ماں كہا جا رہا ہے ۔ فقہى نكتہ نظر سے ماں بچے پر كسى قسم كى اولويت نہيں ركھتى اسى ليے ازواج كو ماں كہا گيا ہے كہ اس سے نكاح نہيں ہو سكتا اور آنحضرت صلى اللہ عليہ وآلہ وسلم كى حرمت كى قدر كرتے ہوئے ان كا احترام برقرار ركھنا چاہيے ۔

.

.

.