عِدَّةٌ مِنْ أَصْحَابِنَا عَنْ أَحْمَدَ بْنِ مُحَمَّدِ بْنِ خَالِدٍ عَنْ مُحَمَّدِ بْنِ عَبْدِ الْحَمِيدِ عَنِ الْعَلاءِ بْنِ رَزِينٍ عَنْ مُحَمَّدِ بْنِ مُسْلِمٍ عَنْ ابي جعفر (عَلَيْهِ السَّلام) قَالَ إِيَّاكُمْ وَالتَّفَكُّرَ فِي الله وَلَكِنْ إِذَا أَرَدْتُمْ أَنْ تَنْظُرُوا إِلَى عَظَمَتِهِ فَانْظُرُوا إِلَى عَظِيمِ خَلْقِهِ.

امام جعفر (علیہ السلام ) نے فرمایا :اللہ کی ذات کے بارے میں سوچنے سے بچو۔ اگر تم اللہ کی عظمت کے بارے میں سوچنا چاہتے ہو تو اس کی عظیم اور حیرت انگیز تخلیقات کے بارے میں سوچو

الکافی ج1 ص55

حَدَّثَنا مُحَمَّدُ بْنُ مُوسَى بْنِ المُتَوَكِّل رَضِىَ اللهُ عَنْهُ قالَ: حَدَّثَنا عَلِىِّ بْنِ إِبراهِيمِ بْنِ هاشِمٍ، عَنْ أَبيهِ، عَنِ الرَّيانِ بْنِ الصَّلْتِ، عَنْ عَلِىِّ بْنِ مُوسَى الرِّضا، عَنْ أَبيهِ عَنْ آبائِهِ عَنْأَمِيرِ الْمُؤْمِنينَ‏ عَلَيْهِمُ السَّلاَمُ قالَ: قالَ رَسُولَ اللَّهِ‏ صَلَّى اللهُ عَلَيْهِ وَآلِهِ: قالَ اللَّه جَلَّ جَلالُهُ: ما آمَنَ بي مَن فَسَّرَ بِرَأيِهِ كَلامِي، وَما عَرَفَنِي مِن شَبَّهَنِي بِخَلقِي، وَما عَلَى دِينِي مَنِ استَعمَلَ القِياسَ فِي دِينِي.

علی ع فرماتے ہیں کہ رسول ص کی حدیث قدسی ہے: وہ شخص مجھ پر ایمان نہیں لایا جو میرے کلام کی تشریح اپنی رائے سے کرتا ہے اور جو مجھے میری مخلوق سے تشبیہ دیتا ہے وہ میری معرفت نہیں رکھتا اور جو میرے دین میں قیاس کرتا ہے وہ میرے دین پر نہیں ہے

عیون اخبار الرضا ج1 ص 116

أَحْمَدُ بْنُ إِدْرِيسَ عَنْ مُحَمَّدِ بْنِ عَبْدِ الْجَبَّارِ عَنْ صَفْوَانَ بْنِ يَحْيَى عَنْ عَلِيِّ بْنِ أَبِي حَمْزَةَ قَالَ قُلْتُ لابِي عَبْدِ الله (عَلَيْهِ السَّلام) سَمِعْتُ هِشَامَ بْنَ الْحَكَمِ يَرْوِي عَنْكُمْ أَنَّ الله جِسْمٌ صَمَدِيٌّ نُورِيٌّ مَعْرِفَتُهُ ضَرُورَةٌ يَمُنُّ بِهَا عَلَى مَنْ يَشَاءُ مِنْ خَلْقِهِ فَقَالَ (عَلَيْهِ السَّلام) سُبْحَانَ مَنْ لا يَعْلَمُ أَحَدٌ كَيْفَ هُوَ إِلا هُوَ لَيْسَ كَمِثْلِهِ شَيْ‏ءٌ وَهُوَ السَّمِيعُ الْبَصِيرُ لا يُحَدُّ وَلا يُحَسُّ وَلا يُجَسُّ وَلا تُدْرِكُهُ الابْصَارُ وَلا الْحَوَاسُّ وَلا يُحِيطُ بِهِ شَيْ‏ءٌ وَلا جِسْمٌ وَلا صُورَةٌ وَلا تَخْطِيطٌ وَلا تَحْدِيدٌ.

راوی کہتا ہے میں نے امام جعفر ع سے کہا : کہ میں نے ہشام بن الحکم کو آپ کا حوالہ دیتے ہوئے سنا ہے کہ اللہ تعالیٰ خود قائم رہنے والا جسم ہے اور نور سے ہے۔ وہ بالکل واضح طور پر پہچانا جا سکتا ہے اور وہ اپنی مخلوقات میں سے جس کو چاہتا ہے ایسا علم عطا کرتا ہے۔ امام علیہ السلام نے فرمایا: ”وہ پاک ہے، جسے کوئی نہیں جانتا کہ وہ کیسا ہے سوائے اس کے۔ اس کے مثل کوئی نہیں اور وہ سب کچھ سننے والا اور دیکھنے والا ہے۔ اسے محدود نہیں کیا جا سکتا، نہ ہی اسے محسوس کیا جا سکتا ہے، نہ ہی اسے چھوا جا سکتا ہے اور نہ ہی منتقل کیا جا سکتا ہے۔ نہ آنکھیں اسے دیکھ سکتی ہیں اور نہ حواس اسے سمجھ سکتے ہیں۔ وہ کسی چیز میں شامل نہیں ہوسکتا، نہ ہی اس کا کوئی جسم، شکل، شکل یا قید ہے

الکافی ج1 ص61

ابن المتوكل، عن الحميري، عن ابن عيسى، عن ابن محبوب، عن حماد، عن أبي عبد الله عليه السلام قال: كذب من زعم أن الله عز وجل من شئ، أو في شئ، أو علي شئ

امام جعفر ع نے فرمایا: جھوٹا ہے وہ شخص جو یہ گمان کرے کہ الله کسی شے ہے یا کسی شے میں ہے یا کسی شے پر ہے

کتاب التوحید (شیخ صدوق) ص 310

ابن الوليد، عن الصفار، عن ابن معروف، عن علي بن مهزيار قال: كتبت إلى أبي جعفر الثاني عليه السلام: جعلت فداك اصلي خلف من يقول بالجسم، ومن يقول بقول يونس – يعني ابن عبد الرحمن؟ فكتب عليه السلام لا تصلوا خلفهم ولا تعطوهم من الزكاة وابرؤوا منهم، برأ الله منهم

راوی کہتا ہے میں نے امام محمد تقی ع کی خدمت میں لکھا : قربان جاؤں ! کیا میں ایسے شخص کی اقتدا میں نماز پڑھ سکتا ہوں جو (خدا کے لیے) جسم و جسمانیت کا قائل ہو اور یونس بن عبدالرحمن کا ہم عقیدہ ہو ؟ آپ نے فرمایا : ان کے پیچھے نماز نہ پڑھو اور نہ ہی انہیں زکوٰۃ دو ، ان سے بیزاری اختیار کرو ، اللہ ان سے بیزار ہو

الامالی شیخ صدوق ص 352

ســیـد نــادر نــقـوی

(1) الکافی: احمد بن ادریس سے جنہوں نے محمد بن عبد الجبار سے جنہوں نے صفوان بن یحیی سے روایت کی، کہا: محدث ابو قرّہ نے مجھ سے سوال کیا کہ امام رضاؑ کے پاس جاکر اس کیلئے ان کے پاس آنے کی اجازت طلب کروں۔ تو امامؑ نے اجازت دی، ابو قرہ ان کی خدمت میں حاضر ہوا اور ان سے حلال و حرام اور احکام کے سوال کیئے حتی کہ اس کا سوال توحید تک آ پہنچا۔ تو ابو قرہ نے کہا: ہم نے روایت کیا ہے کہ الله نے رؤیت اور کلام دو نبیوں میں تقسیم کردیا ہے۔ تو اس نے کلام موسیؑ کو دیدیا، اور رؤیت محمد ﷺ کو دیدی۔ امامؑ نے فرمایا: تو وہ کون تھا جس نے الله سے جن و انس میں سے دو گرانقدر کو پہنچایا: ”نگاہیں اس کو نہیں پا سکتیں، اور وہ نگاہوں کو پا لیتا ہے“۔ اور وہ علمی لحاظ سے اس کا احاطہ نہیں کر سکتے۔ اور اس کی مثل کوئی چیز نہیں۔ کیا وہ محمد ﷺ نہیں (جنہوں نے یہ پہنچایا)؟ اس نے کہا: جی ہاں۔ امامؑ نے فرمایا: کوئی شخص کیسے تمام مخلوق کے پاس آتا ہے اور ان کو خبر دیتا ہے کہ وہ الله کی جانب سے آیا ہے اور کہ وہ ان کو الله کی طرف الله کے حکم سے بلا رہا ہے۔ تو وہ کہتا ہے: نگاہیں اس کو نہیں پا سکتیں، اور علمی لحاظ سے اس کا احاطہ نہیں ہو سکتا، اور اس جیسا کچھ نہیں، پھر وہ کہہ دے: میں نے اس (خدا) کو اپنی آنکھ سے دیکھا ہے، اور اس کو علمی لحاظ سے احاطہ کیا ہے، اور بشر کی صورت پر ہے؟ کیا تمہیں شرم نہیں آتی؟ زندیقوں نے بھی ان پر یہ الزام نہیں لگایا، کہ وہ الله کی جانب سے ایک چیز کے ساتھ آئیں پھر ایک اور جانب سے اس کے برخلاف بات لائیں۔ ابو قرہ نے کہا: الله کہتا ہے: ”اور آپ ﷺ نے اس کو ایک مرتبہ اور بھی دیکھا“۔ امام رضاؑ نے فرمایا: جو اس آیت کے بعد ہے اس پر دلیل ہے جو انہوں نے دیکھا، جدھر الله نے کہا: ”دل نے جھوٹ نہیں کہا جو کچھ آپ ﷺ نے دیکھا“۔ وہ کہہ رہا ہے کہ محمد ﷺ کے دل نے اس کو جھوٹ نہیں کہا جو ان کی آنکھوں نے دیکھا، پھر اس کی خبر دی جو انہوں نے دیکھا: ”آپ ﷺ نے اپنے رب کی بڑی بڑی نشانیاں دیکھیں“۔ پس الله کی نشانیاں غیر الله ہیں، اور الله پہلے ہی کہہ چکا ہے: ”اور وہ علمی لحاظ سے اس کا احاطہ نہیں کر سکتے“۔ تو جب نگاہیں اس کو دیکھ لیں، علم سے احاطہ کرلیا گیا، اور معرفت پا لی گئی۔ ابو قرہ نے کہا: کیا آپ روایات کو جھٹلاتے ہیں؟ امام رضاؑ نے فرمایا: جب روایات قرآن سے مخالف ہوں میں ان کو جھٹلاتا ہوں۔ اور اس پر مسلمانوں کا اجماع ہے کہ اس کا احاطہ علمی لحاظ سے نہیں کیا جا سکتا، اور نہ نگاہیں اس کو پا سکتی ہیں، اور نہ اس جیسا کچھ ہے۔

(2) اور اس (احمد بن ادریس) سے جنہوں نے احمد بن اسحاق سے روایت کی، کہا: میں نے امام نقیؑ کو خط لکھا اور ان سے رؤیت کا پوچھا، اور جس میں لوگ اختلاف کرتے ہیں۔ امامؑ نے خط لکھا: رؤیت (دیکھنا) تب ممکن نہیں ہے جب جو دیکھنے والا ہو اور جس کو دیکھا جا رہا ہو ان کے درمیان ہواء نہ ہو۔ ایسی ہواء جس میں سے نگاہ گذر سکے۔ پس جب دیکھنے والے اور جس کو دیکھا جا رہا ہو ان کے درمیان ہواء نہ ہو، دیکھنا ممکن نہیں۔ اور اس میں (خدا و مخلوق کو) ملانا (لازم آتا) ہے۔ کیونکہ جب دیکھنے والا حالات کے سبب رؤیت میں اس کے برابر ہوگا جس کو دیکھا جاتا ہے، (خدا کو مخلوق سے) ملانا لازم آتا ہے۔ اور وہ تشبیہ ہے، کیونکہ اسباب ہمیشہ مسبب چیزوں سے متصل ہوتے ہیں۔

(3) اور احمد بن ادریس سے جنہوں نے محمد بن عبد الجبار سے جنہوں نے صفوان بن یحیی سے جنہوں نے عاصم بن حمید سے جنہوں نے امام صادقؑ سے روایت کی، عاصم نے کہا: میں نے امام صادقؑ سے اس کا ذکر کیا جو لوگ (خدا کو) دیکھنے کے بارے میں روایت کرتے ہیں۔ امامؑ نے فرمایا: سورج (خدا کی) کرسی کے نور کے ستر حصوں میں سے ایک حصے ہے، اور کرسی (خدا کے) عرش کے نور کے ستر حصوں میں سے ایک حصہ ہے، اور عرش (خدا کے) حجاب کے نور کے ستر حصوں میں سے ایک حصہ ہے۔ اور حجاب (خدا کے) ستر کے نور کے ستر حصوں میں سے ایک حصہ ہے۔ تو اگر وہ (جو کہتے ہیں کہ خدا کو دیکھا جا سکتا ہے) سچے ہیں تو ان کو آنکھوں سے سورج کی طرف نگاہ کر لینے دو جس دن کوئی بادل نہ ہوں۔

(4) اور محمد بن یحیی سے جنہوں نے احمد بن محمد بن عیسی سے جنہوں نے ابن ابی نصر سے جنہوں نے امام رضاؑ سے روایت کی، فرمایا: رسول الله ﷺ نے فرمایا: جب مجھے (شب معراج) آسمان کی طرف لجایا گیا، جبرئیلؑ مجھے ایسے مکان پر لیکر گئے جدھر انہوں نے ہرگز (از قبل) قدم نہیں رکھا تھا۔ امامؑ نے فرمایا: پھر آپ ﷺ کیلئے (وہ جگہ) ظاہر کی گئی اور الله نے آپ ﷺ کو اپنی عظمت کے نور سے جو چاہا دکھایا۔

(5) اور اس (محمد بن یحیی) سے جنہوں نے احمد بن محمد بن عیسی سے جنہوں نے ابن ابی نجران سے جنہوں نے عبد اللہ بن سنان سے جنہوں نے امام صادقؑ سے الله کے فرمان کے بارے میں روایت کی: ”نگاہیں اس کو نہیں پا سکتیں“۔ امامؑ نے فرمایا: (اس کا معنی ہے) خیال سے اس کا احاطہ کرنا، کیا تم نے اس کے فرمان کے طرف نہیں دیکھا: ”تمہیں تمہارے رب کی طرف سے بصیرتیں آ چکی ہیں“۔ اس سے مراد آنکھوں کی بصارت نہیں ہے۔ ”اب جو بصیرت سے کام لے گا خود اپنے لیئے فائدہ کرے گا“۔ اس سے مراد آنکھ سے دیکھنا نہیں ہے۔ ”اور جو اندھا رہے گا خود اپنا نقصان کرے گا“، اس سے مراد آنکھوں کی نابینی نہیں۔ اس سے اس کی مراد صرف خیال سے احاطہ کرنا ہے۔ جیسے کہا جاتا ہے: فلاں شاعری میں بصیرت رکھتا ہے، فلاں فقہ میں بصیرت رکھتا ہے، فلاں درہموں میں بصیرت رکھتا ہے، اور فلاں کپڑوں میں بصیرت رکھتا ہے، الله اس سے زیادہ عظیم ہے کہ اس کو آنکھ سے دیکھا جائے۔

(6) اور اس (محمد بن یحیی) سے جنہوں نے احمد بن محمد سے جنہوں نے ابوہاشم جعفری سے جنہوں نے امام رضاؑ سے روایت کی، کہا: میں نے امامؑ سے الله کا سوال کیا، کیا وہ وصف کیا جا سکتا ہے؟ امامؑ نے فرمایا: کیا تم نے قرآن نہیں پڑھا؟ میں نے عرض کیا: جی ہاں۔ امامؑ نے فرمایا: کیا تم نے الله تعالی کا فرمان نہیں پڑھا: اس کو نگاہیں نہیں پا سکتیں اور وہ نگاہوں کو پا سکتا ہے“؟ میں نے کہا: جی ہاں۔ امامؑ نے فرمایا: تو تم نگاہوں کو پہچانتے ہو؟ میں نے کہا: جی ہاں۔ امامؑ نے فرمایا: وہ کیا ہیں؟ میں نے کہا: آنکھوں کی نگاہوں۔ امامؑ نے فرمایا: دلوں کے خیالات آنکھوں کی نگاہوں سے زیادہ بڑے ہیں، تو وہ ایسا ہے کہ اس کو خیالات نہیں پا سکتے جبکہ وہ خیالات کو پا لیتا ہے۔

(معجم الاحادیث المعتبرہ/ جلد 1 / کتاب التوحید/ باب 3/ صفحہ ۲۲۰)