ظالم امت کے آگے مولا علیؑ کے مغلوب ہونے پر اعتراض کرنے والوں کو قرآن و کتب اہلسنت سے جواب

قارئین محترم!

اب ھمارے سامنے ان انبیاء کرام علیہم السلام کی سیرتِ مقدسہ ھے جس اوللعزم انبیاء علیہم السلام بھی موجود ھیں اور ان نکات سے ہی تمام شبہات دور ھو جاتے ھیں کہ یہ امتیں بہت کچھ کر جاتی ھیں اور انبیاءکرام ع کو بھی مغلوب تک کر جاتی ھیں حتیٰ کہ انبیاء کرام علیہم السلام کو بے دردی سے شہید کر دیتی ھیں اور ان کے سر تک کاٹ دیتی ھیں جیسا کہ حضرت یحییٰ بن زکریا علیہ السلام کے ساتھ کیا گیا تو اب سوچنے کی بات ھے جب امتیں انبیاء کرام ع جیسی برگزیدہ ہستیوں کو مغلوب کرسکتی ھیں تو انبیاء کرام کے اوصیاء کو کیوں مغلوب نہیں کر سکتی ھیں؟ یعنی امیر المومنین مولا علی ع کے ساتھ کیا ایسا نہیں ھو سکتا یا ھوا نہیں؟ اب یہاں تک تو یہ شبہات قرآن مجید سے دور ھو گئے ھیں لیکن ھم اس کو اب مزید واضح کریں گے تا کہ کوئی شک و شبہ باقی ہی نہ رھے۔

اس موضوع پر ویسے بھی کثیر تعداد میں ثبوت ہیں جو دیئے جا سکتے ھیں لیکن ہم اختصار کو دیکھتے ھوئے کچھ ثبوت بطور نمونہ پیش کرتے جائیں گے جیسا کہ خلیفہ ثالث حضرت عثمان بن عفان کی حیات کے آخری ایام ہمارے سامنے ہیں کہ لوگوں نے وقت کے خلیفہ کو کس طرح مغلوب کر دیا وہ بھی مسلمانوں کے مرکز میں اور اتنے صحابہ کرام رض بھی موجود ہیں پھر فوج بھی موجود ہے لیکن اس کے باوجود بھی خلیفہ وقت مغلوب ھیں اور اپنے گھر میں ہی بیٹھ گئے کیا برادرانِ اسلامی نے مولا علی علیہ السلام پر اعتراض کرنے سے پہلے اس کے متعلق بھی غور کیا ھے کہ جب خلیفہ وقت مغلوب ہو گئے اور جب مزاحمت کرنے کو کہا گیا تو بھی وہ مزاحمت کے قابل نہیں رہے بطور ثبوت ایک روایت نقل کرتے ھیں:

حضرت مغیرہ بن شعبہ ایک مرتبہ حضرت عثمان کے یہاں آئے، ان دنوں باغیوں نے انکا محاصرہ کر رکھا تھا اور آکر عرض کیا کہ آپ مسلمانوں کے عمومی حکمران ہیں ، آپ پر جو پریشانیاں آ رہی ہیں وہ نگاہوں کے سامنے ہیں میں آپ کے سامنے تین درخواستیں رکھتا ہوں آپ کسی ایک کو اختیار کر لیجئے یا تو آپ باہر نکل کر ان باغیوں سے قتال کریں، آپ کے پاس افراد بھی ہیں، طاقت بھی ھے اور آپ برحق بھی ہیں یہ لوگ باطل پر ہیں یا جس دروازے پر یہ لوگ کھڑے ہیں، آپ اسے چھوڑ کر اپنے گھر کی دیوار توڑ کر کوئی دوسرا دروازہ نکلوائیں، سواری پر بیٹھیں اور مکہ مکرمہ چلے جائیں، جب آپ وہاں ہوں گے تو یہ آپ کا کچھ نہ بگاڑ سکیں گے، یا پھر آپ شام چلے جائیے کیونکہ وہاں اہل شام کے علاوہ حضرت معاویہ بھی موجود ہیں۔ حضرت عثمان نے فرمایا جہاں تک تعلق ھے اس بات کا کہ میں باہر نکل کر ان باغیوں سے قتال کروں تو میں نبی ص کے پیچھے سب سے پہلا وہ آدمی ہرگز نہیں بنوں گا جو امت میں خونریزی کرے۔ رہی یہ بات کہ میں مکہ مکرمہ چلا جاؤں تو یہ میرا کچھ نہ بگاڑ سکیں گے تو میں نے نبی ص کو فرماتے ہوئے سنا ھے کہ قریش کا ایک آدمی مکہ مکرمہ میں الحاد پھیلائےگا، اس پر اہل دنیا کو ہونے والے عذاب کا نصف عذاب دیا جائے گا، میں وہ آدمی نہیں بننا چاہتا اور جہاں تک شام جانے والی بات ھےکہ وہاں اہل شام کے علاوہ امیر معاویہ م بھی ہیں تو میں دارالہجرۃ اور نبی ص کے پڑوس کو کسی صورت نہیں چھوڑ سکتا” گذشتہ حدیث اس دوسری سند سے بھی مروی ھے”

حوالہ : [ مسند امام احمد – جلد ١ – حدیث نمبر: ۴۵١ ]

تبصرہ : نیز جب گھر کا محاصرہ کیا گیا پھر اندر داخل ھوگئے اور خلیفہ وقت کی بیوی نائلہ خاتون کو بھی ان کے سامنے مارا پیٹا گیا حتیٰ کہ ہاتھ کی انگلیاں کاٹ دیں اس کے باوجود بھی خلیفہ وقت اتنے مغلوب ھو چکے تھے کہ کچھ بھی نہ کر سکے اب مقام تفکر ھے یہی بات ھم کہتے ھیں کہ مولا علی علیہ السلام کو بھی امت اور وعدوں نے مغلوب کر دیا اس لئے مزاحمت نہیں کر سکے۔