کالے کپڑے پہننے کی مذمت پر موجود روایات کا جواب

تحریر: سید علی اصدق نقوی

جب اہل تشیع سے محرم میں انکی رسوم کا سوال کیا جاتا ہے، تو اس میں سے ایک سوال یہ ہوتا ہے کہ شیعہ محرم میں کالے کپڑے کیوں پہنتے ہیں۔ اس سلسلے میں بعض افراد شیعہ کتب حدیث سے احادیث نقل کرتے ہیں اور یہ استدلال کرتے ہیں کہ شیعوں کو سیاہ لباس نہیں پہننا چاہیئے کیونکہ اسکی مذمت آئی ہے۔

56 باب العلة التي من أجلها لا تجوز الصلاة في سواد

۵۶ باب: وہ سبب جسکی وجہ سے کالے کپڑے میں نماز جائز نہیں

1 أَبِي (رحمه الله) قَالَ حَدَّثَنَا مُحَمَّدُ بْنُ يَحْيَى الْعَطَّارُ عَنْ مُحَمَّدِ بْنِ أَحْمَدَ عَنْ سَهْلِ بْنِ زِيَادٍ عَنْ مُحَمَّدِ بْنِ سُلَيْمَانَ عَنْ رَجُلٍ عَنْ أَبِي عَبْدِ اللَّهِ (ع) قَالَ قُلْتُ لَهُ أُصَلِّي فِي قَلَنْسُوَةِ السَّوْدَاءِ قَالَ لَا تُصَلِّ فِيهَا فَإِنَّهَا لِبَاسُ أَهْلِ النَّارِ

ایک شخص نے امام صادق ع سے کہا: میں کالی ٹوپی میں نماز پڑھ سکتا ہوں؟ امام ع نے فرمایا: اس میں نماز نہ پڑھو کیونکہ یہ جہنمیوں کا لباس ہے۔ (1) روایت کی سند ضعیف ہے۔ سہل بن زیاد ضعیف ہے، محمد بن سلیمان ضعیف ہے اور روایت مرسل ہے۔ اگلی روایت:

2 وَبِهَذَا الْإِسْنَادِ عَنْ مُحَمَّدِ بْنِ أَحْمَدَ عَنْ مُحَمَّدِ بْنِ عِيسَى الْيَقْطِينِيِّ عَنِ الْقَاسِمِ بْنِ يَحْيَى عَنْ جَدِّهِ الْحَسَنِ بْنِ رَاشِدٍ عَنْ أَبِي بَصِيرٍ عَنْ أَبِي عَبْدِ اللَّهِ (ع) قَالَ حَدَّثَنِي أَبِي عَنْ جَدِّي عَنْ أَبِيهِ عَنْ أَمِيرِ الْمُؤْمِنِينَ (ع) قَالَ فِيمَا عَلَّمَ أَصْحَابَهُ لَا تَلْبَسُوا السَّوَادَ فَإِنَّهُ لِبَاسُ فِرْعَوْنَ

امیر المؤمنین ع نے فرمایا: کالا رنگ نہ پہنو کیونکہ یہ فرعون کا لباس تھا۔ (2) اس کی بھی سند ضعیف ہے کیونکہ قاسم بن یحیی اور حسن بن راشد ضعیف ہیں۔ شاید یہاں پر امام ع کی فرعون سے مراد انکے دور کا عباسی خلیفہ تھا، کیونکہ کالا لباس پہننا بنی عباس کی عادت تھی۔

3 وَبِهَذَا الْإِسْنَادِ عَنْ مُحَمَّدِ بْنِ أَحْمَدَ بِإِسْنَادِهِ يَرْفَعُهُ إِلَى أَبِي عَبْدِ اللَّهِ (ع) قَالَ كَانَ رَسُولُ اللَّهِ (ص) يَكْرَهُ السَّوَادَ إِلَّا فِي ثَلَاثَةٍ الْعِمَامَةِ وَالْخُفِّ وَالْكِسَاءِ

امام صادق ع نے فرمایا: رسول اللہ ص کالے رنگ کو ناپسند کرتے تھے سوائے تین چیزوں میں: عمامہ، چپل، اور چادر۔ (3)

یہ بھی پچھلی ہی سن سے ہی آئی ہے اور ساتھ ہی مرفوع ہونے کی وجہ سے ضعیف ہے۔

4 وَبِهَذَا الْإِسْنَادِ عَنْ مُحَمَّدِ بْنِ أَحْمَدَ عَنِ الْحَسَنِ بْنِ الْحُسَيْنِ اللُّؤْلُؤِيِّ عَنْ مُحَمَّدِ بْنِ سِنَانٍ عَنْ حُذَيْفَةَ بْنِ مَنْصُورٍ قَالَ كُنْتُ عِنْدَ أَبِي عَبْدِ اللَّهِ بِالْحِيرَةِ فَأَتَاهُ رَسُولُ أَبِي الْعَبَّاسِ الْخَلِيفَةِ يَدْعُوهُ فَدَعَا بِمِمْطَرَةٍ لَهُ أَحَدُ وَجْهَيْهِ أَسْوَدُ وَالْآخَرُ أَبْيَضُ فَلَبِسَهُ ثُمَّ قَالَ أَبُو عَبْدِ اللَّهِ (ع) أَمَا إِنِّي أَلْبَسُهُ وَأَنَا أَعْلَمُ أَنَّهُ مِنْ لِبَاسِ أَهْلِ النَّارِ

حذیفہ بن منصور کہتے ہیں: میں امام صادق ع کے پاس حیرہ میں تھا تو خلیفہ أبو العباس کا قاصد آیا تو انہوں نے ایک ممطرہ (بارش کیلئے لباس) منگوایا جسکے دو رخ تھے، ایک سیاہ تھا اور دوسرا سفید۔ تو انہوں نے اسکو پہن لیا۔ پھر امام صادق ع نے فرمایا: جان لو! میں نے اسکو پہن رہا ہوں، اور مجھے پتا ہے کہ یہ جہنمیوں کا لباس ہے۔ (4) علامہ فیض کاشانی اسکے ذیل میں کہتے ہیں:

وإنما كان من لباس أهل النار لسواده وإنما لبسه ع مع علمه بذلك للتقية لأن آل عباس كانوا يلبسون السواد ولا يعجبهم إلا ذلك‌

اور وہ جہنمیوں کا لباس اس لیئے ہی ہے کیونکہ وہ سیاہ ہے اور امام ع نے اسکو یہ جاننے کے باوجود تقیہ کیلئے پہنا تھا، کیونکہ آل عباس سیاہ لباس پہنتے تھے اور انکو اسکے علاوہ کوئی رنگ پسند نہیں آتا تھا۔ (5)

مذکورہ بالا روایت میں بھی امام صادق ع نے جہنمیوں کا لباس کہا ہے جب کہ اس کپڑے کو خود بھی پہنا ہے، پھر بھی اسکو جہنمیوں کا لباس کہہ دیا۔ اس روایت کو اگر ظاہر پر لیا جائے تو اس سے صریح توہین ہے امام ع کی، اس کی توجیہ تقیہ پر کی گئی ہے، لیکن یہ روایت بھی شدید ضعیف ہے جبکہ حسن لؤلؤی اسکو محمد بن سنان سے روایت کر رہا ہے، ان دونوں ہی کی تضعیف وارد ہوئی ہے۔ شیخ صدوق نے اس روایت کو نقل کرکے لکھا ہے:

قال مؤلف هذا الكتاب لبسه للتقية وإنما أخبر حذيفة بن منصور بأنه لباس أهل النار لأنه ائتمنه وقد دخل إليه قوم من الشيعة يسألونه عن السواد ولم يثق إليهم في كتمان السر فاتقاهم فيه

اس کتاب کے مصنف (شیخ صدوق) کہتے ہیں: امام ع نے اسکو تقیہ کیلئے پہنا تھا اور انہوں نے حذیفہ بن منصور کو یہ بتایا کہ یہ جہنمیوں کا لباس ہے کیونکہ وہ اسکو امانت دے رہے تھے، کیونکہ انکے پاس کچھ شیعہ لوگ داخل ہوئے تھے اور ان سے کالے رنگ کا پوچھ رہے تھے مگر وہ ان پر بھروسہ نہیں کرتے تھے راز کو مخفی رکھنے میں تو انہوں نے ان سے تقیہ کیا اس میں۔ (6)

اگلی روایات الکافی سے ہیں:

24ـ مُحَمَّدُ بْنُ يَحْيَى رَفَعَهُ قَالَ قَالَ أَبُو عَبْدِ الله (عَلَيْهِ الْسَّلام) لاَ تُصَلِّ فِيمَا شَفَّ أَوْ سُفَّ يَعْنِي الثَّوْبَ الْمُصَيْقَلَ. وَرُوِيَ لاَ تُصَلِّ فِي ثَوْبٍ أَسْوَدَ فَأَمَّا الْخُفُّ أَوِ الْكِسَاءُ أَوِ الْعِمَامَةُ فَلاَ بَأْسَ.

امام صادق ع نے فرمایا: اس میں نماز نہ پڑھو جو “شف” ہو یا “صُف” ہو، یعنی صیقل کیا ہوا کپڑے میں۔ اور روایت ہوا ہے: کالے کپڑے میں نماز نہ پڑھو، جہاں تک چپل، کساء یا عمامے کی بات ہے تو کوئی مسئلہ نہیں۔ (7)

یہ تمام روایات ضعف رکھتی ہیں اپنے میں۔ البتہ فقہاء نے ان روایات سے یہ لیا ہے کہ نماز میں کالے لباس کا پہننا مکروہ ہے۔ لیکن یہ بھی عام وقت پر پہننے کو مکروہ یا حرام نہیں کرتا، یہ واضح رہنا چاہیئے۔ نیز یہ بنو عباس کا بھی لباس تھا اس بھی وجہ سے اس کی وجہ نظر آتی ہے جیسے اس ہی باب میں یہ روایت شیخ صدوق لائے ہیں:

6 حَدَّثَنَا مُحَمَّدُ بْنُ الْحَسَنِ قَالَ حَدَّثَنَا مُحَمَّدُ بْنُ الْحَسَنِ الصَّفَّارُ عَنِ الْعَبَّاسِ بْنِ مَعْرُوفٍ عَنِ الْحُسَيْنِ بْنِ يَزِيدَ النَّوْفَلِيِّ عَنِ السَّكُونِيِّ عَنْ أَبِي عَبْدِ اللَّهِ (ع) قَالَ أَوْحَى اللَّهُ عَزَّ وَجَلَّ إِلَى نَبِيٍّ مِنْ أَنْبِيَائِهِ قُلْ لِلْمُؤْمِنِينَ لَا تَلْبَسُوا لِبَاسَ أَعْدَائِي وَلَا تَطْعَمُوا طَعَامَ أَعْدَائِي وَلَا تَسْلُكُوا مَسَالِكَ أَعْدَائِي فَتَكُونُوا أَعْدَائِي كَمَا هُمْ أَعْدَائِي

امام صادق ع نے فرمایا: اللہ عز و جل نے اپنے انبیاء میں سے ایک نبی کی طرف وحی کی: مومنین سے کہو کہ میرے دشمنوں کا لباس نہ پہنیں اور نہ میرے دشمنوں کا کھانا کھائیں، اور نہ میرے دشمنوں کے رستوں پر چلیں، کہ تم میرے دشمن ہوجاؤ جیسے وہ لوگ میرے دشمن ہیں۔ ( نوفلی مجہول ہے اور اس پر غلو کا الزام ہے، سکونی ایک عامی راوی ہے، پس روایت ضعیف ہے۔ اس روایت کو اگر قبول کیا جائے تو اس میں سیاہ لباس نہ پہننے کی علت یہی معلوم ہوتی ہے کہ یہ بعض دشمنان خدا کی مخالفت میں کہا گیا ہے، جس میں قوی بات یہ ہے کہ یہ روایت بنی عباس کے طریقوں کی وجہ سے وارد ہوئی ہے۔ ایک ضعیف روایت کے مطابق کالے لباس کا احرام باندھنا یا اس میں تکفین کرنا بھی درست نہیں (9)، یہ نہی تنزیہی ہے، مگر یہ موضوع سے مرتبط بھی نہیں۔

جواز پر احادیث:

‎حَدَّثَنِي مُحَمَّدُ بْنُ الْحَسَنِ قَالَ حَدَّثَنِي مُحَمَّدُ بْنُ يَحْيَى الْعَطَّارُ عَنْ مُحَمَّدِ بْنِ أَحْمَدَ عَنْ عَلِيِّ بْنِ إِبْرَاهِيمَ الْجَعْفَرِيِّ عَنْ مُحَمَّدِ بْنِ الْفَضْلِ عَنْ دَاوُدَ الرَّقِّيِّ قَالَ كَانَتِ الشِّيعَةُ تَسْأَلُ أَبَا عَبْدِ اللَّهِ (ع) عَنْ لُبْسِ السَّوَادِ قَالَ فَوَجَدْنَاهُ قَاعِداً عَلَيْهِ جُبَّةٌ سَوْدَاءُ وَقَلَنْسُوَةٌ سَوْدَاءُ وَخُفٌّ أَسْوَدُ مُبَطَّنٌ بِسَوَادٍ قَالَ ثُمَّ فَتَقَ نَاحِيَةً مِنْهُ وَقَالَ أَمَا إِنَّ قُطْنَهُ أَسْوَدُ وَأُخْرِجَ مِنْهُ قُطْنٌ أَسْوَدُ ثُمَّ قَالَ بَيِّضْ قَلْبَكَ وَالْبَسْ مَا شِئْتَ

داود رقی کہتے ہیں: شیعہ امام صادق ع سے کالا کپڑا پہننے کا پوچھتے تھے۔ تو ہم نے امام ع کو پیٹھا ہوا پایا، اور انہوں نے کالا جبہ، کالی ٹوپی، اور کالے جوتے پہنے ہوئے تھے جنکی اندرونی تہہ کالی تھی۔ داود نے کہا: پھر امام ع نے اس کا ایک حصہ چاک کیا اور فرمایا: جان لو کہ اسکی روئی کالی ہے، اور اس میں سے ایک کالی روئی نکلی، پھر فرمایا: اپنے دل کو سفید کرو، اور جو چاہتے ہو (وہ رنگ) پہنو۔ (10)

اسکو نقل کرکے شیخ صدوق لکھتے ہیں:

قال محمد بن علي مؤلف هذا الكتاب فعل ذلك كله تقية والدليل على ذلك قوله في الحديث الذي قبل هذا أما إني ألبسه وأنا أعلم أنه من لباس أهل النار وأي غرض كان له (ع) في أن صبغ القطن بالسواد إلا لأنه كان متهما عند الأعداء أنه لا يرى لبس السواد فأحب أن يتقي بأجهد ما يمكنه لتزول التهمة عن قلوبهم فيأمن شرهم

محمد بن علی (شیخ صدوق) اس کتاب کے مؤلف نے کہا: امام ع نے یہ سب ہی تقیہ کی وجہ سے کیا تھا اور اس پر دلیل انکا فرمان ہے اس سے پچھلی حدیث میں “جان لو، میں اسکو پہن رہا ہوں اور مجھے پتا ہے کہ یہ جنہمیوں کا لباس ہے۔” اور انکو کیا غرض تھی کہ وہ روئی کو سیاہ رنگ لگاتے مگر وجہ ہوئی کہ وہ دشمنان کے نزدیک متہم تھے کہ انکو کبھی کالا رنگ پہنے نہیں دیکھا جاتا، تو انہوں نے پسند کیا ہے کہ ان سے جتنی کوشش ہو سکے وہ تقیہ کریں تاکہ ان لوگوں کے دلوں سے تہمت زائل ہو اور وہ ان سے شر سے امان میں رہیں۔ (11)

أَبُو عَلِيٍّ اَلْأَشْعَرِيُّ عَنْ مُحَمَّدِ بْنِ سَالِمٍ عَنْ أَحْمَدَ بْنِ اَلنَّضْرِ عَنْ عَمْرِو بْنِ شِمْرٍ عَنْ جَابِرٍ عَنْ أَبِي جَعْفَرٍ عَلَيْهِ اَلسَّلاَمُ قَالَ: قُتِلَ اَلْحُسَيْنُ بْنُ عَلِيٍّ عَلَيْهِ اَلسَّلاَمُ وَعَلَيْهِ جُبَّةُ خَزٍّ دَكْنَاءُ فَوَجَدُوا فِيهَا ثَلاَثَةً وَسِتِّينَ مِنْ بَيْنِ ضَرْبَةٍ بِالسَّيْفِ وَطَعْنَةٍ بِالرُّمْحِ أَوْ رَمْيَةٍ بِالسَّهْمِ.

امام باقر ع نے فرمایا: جب امام حسین بن علی ع شہید ہوئے تو ان پر ایک ریشم کا کالا جُبہ تھا، اس میں انہوں نے 63 زخم پائے جو تلوار کی ضربت، نیزے کے مارنے یا تیر سے لگے تھے۔ (12)

… حَدَّثَنِي أَبُو عَبْدِ اللَّهِ (ع) قَالَ‏ إِنَّ جَابِرَ بْنَ عَبْدِ اللَّهِ كَانَ آخِرَ مَنْ بَقِيَ مِنْ أَصْحَابِ رَسُولِ اللَّهِ (ص) وَكَانَ رَجُلًا مُنْقَطِعاً إِلَيْنَا أَهْلَ الْبَيْتِ وَكَانَ يَقْعُدُ فِي مَسْجِدِ رَسُولِ اللَّهِ (ص) وَهُوَ مُعْتَمٌّ بِعِمَامَةٍ سَوْدَاءَ…

۔۔۔ امام صادق ع نے بیان کیا اور فرمایا: جابر بن عبد اللہ آخری فرد تھے جو باقی رہے رسول اللہ ص کے اصحاب میں سے، وہ ہم اہل بیت ع کے ساتھ مخلص شخص تھے اور وہ مسجد رسول اللہ ص میں بیٹھتے تھے، انہوں نے کالا عمامہ پہنا ہوتا تھا۔۔۔ (13) قلتُ: جابر بن عبد اللہ انصاری ایک جلیل القدر صحابی تھے نبی ص کے بعد انکے تمام احکامات پر عمل پیرا تھے، انکا سیاہ عمامہ پہننا اسکے جواز پر دلیل ہے۔ ایک اور حدیث میں امام ع اپنے ایک صحابی عبد اللہ بن شریک عامری کا ذکر کرتے ہیں جو کہ سیاہ عمامہ پہنے امام قائم ع کے ساتھ ہونگے انکے انصار میں (14) اس سے بھی ہمیں یہی قرینہ ملتا ہے۔ امام حسن ع نے امام علی ع کی شہادت کے بعد سیاہ عمامہ پہن کر خطبہ دیا تھا:

حَدَّثَنَا عَبْدُ اللَّهِ قَالَ: حَدَّثَنِي أَبِي، نا وَكِيعٌ، عَنْ شَرِيكٍ، عَنْ عَاصِمٍ، عَنْ أَبِي رَزِينٍ قَالَ: خَطَبَنَا الْحَسَنُ بْنُ عَلِيٍّ بَعْدَ وَفَاةِ عَلِيٍّ وَعَلَيْهِ عِمَامَةٌ سَوْدَاءُ فَقَالَ: لَقَدْ فَارَقَكُمْ رَجُلٌ لَمْ يَسْبِقْهُ الْأَوَّلُونَ بِعِلْمٍ، وَلَا يُدْرِكُهُ الْآخَرُونَ.

علی رضی اللہ عنہ کی وفات کے بعد حسن بن علی رضی اللہ عنہما نے خطبہ پڑھا اور انکے سر پر ایک کالا عمامہ تھا، انہوں نے کہا کہ تم سے ایک ایسا شخص جدا ہوگیا ہے جس سے اولین میں سے کسی نے علم میں سبقت نہ لی تھی اور نہ آخرین میں سے کوئی ایسا آئے گا جو علم میں ان سے زیادہ ہوگا۔ (15) اسکی سند وصی اللہ محمد کے مطابق حسن درجے کی ہے۔ امام علی ع کی شہادت پر انکا سیاہ عمامہ پہننا بتاتا ہے کہ غم کے موقعے پر یہ جائز ہے۔ خود متعدد اہل سنت کتب حدیث سے ثابت ہوتا ہے کہ سیاہ عمامہ مسنون عمل ہے جو نبی ص کی سنت سے ثابت ہے (16) بلکہ امام حسین ع کیلئے بنی ہاشم کی عورتوں نے کالے لباس پہنے تھے:

عَنْهُ عَنِ الْحَسَنِ بْنِ طَرِيفِ بْنِ نَاصِحٍ عَنْ أَبِيهِ عَنِ الْحُسَيْنِ بْنِ زَيْدٍ عَنْ عُمَرَ بْنِ عَلِيِّ بْنِ الْحُسَيْنِ قَالَ لَمَّا قُتِلَ الْحُسَيْنُ بْنُ عَلِيٍّ (ع) لَبِسْنَ نِسَاءَ بَنِي هَاشِمٍ السَّوَادَ وَالْمُسُوحَ وَكُنَّ لَا يَشْتَكِينَ مِنْ حَرٍّ وَلَا بَرْدٍ وَكَانَ عَلِيُّ بْنُ الْحُسَيْنِ (ع) يَعْمَلُ لَهُنَّ الطَّعَامَ لِلْمَأْتَمِ

عمر بن علی بن حسین کہتے ہیں: جب امام حسین بن علی ع شہید ہوئے تو بنی ہاشم کی عورتوں نے کالے کپڑے اور زاہدانہ لباس پہنے اور وہ نہ گرمی نہ سردی کی شکایت کرتی تھیں، اور امام علی بن حسین ع ان کیلئے کھانا تیار کرتے تھے ماتم کیلئے۔ (17)

نتیجہ بحث یہ ہے کہ شیعہ کتب میں کالے لباس کی مذمت میں جتنی روایات ہیں وہ سب سندا ضعیف ہیں، بعید نہیں کہ یہ روایات اس لیئے آئیں کیونکہ بنی عباس کا شعار کالا لباس بن چکا تھا، پس ان سیاسی اوضاع کے سیاق میں یہ احادیث ائمہ ع نے بیان کیں، اور ان سے مخالفت کے سبب یہ احادیث وارد ہوئیں ان سے، جیسا کہ اوپر ہم ایک حدیث کو نقل کر چکے ہیں جسکا یہ مفہوم ہے۔ بعض مراجع نے ان روایات کو دیکھتے ہوئے نماز میں سیاہ لباس کی کراہیت کا فتوی بھی دیا ہے، لیکن انہوں نے بھی اسکو نماز تک محصور رکھا ہے اور عزاداری سید الشہداء ع کو اس سے مستثنیٰ قرار دیا ہے۔

مآخذ:

(1) علل الشرائع، ج 2، ص 346، الكافي، ج 3، ص 403، تهذيب الأحكام، ج 2، ص 213

(2) علل الشرائع، ج 2، ص 346 – 347، الخصال، ص 615

(3) علل الشرائع، ج 2، ص 347، الكافي، ج 6، ص 449، الخصال، ص 148، من لا يحضره الفقيه، الرقم: 768، تهذيب الأحكام، ج 2، ص 213

(4) علل الشرائع، ج 2، ص 347

(5) الوافي، ج 20، ص 712

(6) علل الشرائع، ج 2، ص 347

(7) الكافي، ج 3، ص 403

( علل الشرائع، ج 2، ص 348، عيون أخبار الرضا، ج 2، ص 23، من لا يحضره الفقيه، الرقم: 770، تهذيب الأحكام، ج 6، ص 172

(9) الكافي، ج 4، ص 341: عِدَّةٌ مِنْ أَصْحَابِنَا عَنْ أَحْمَدَ بْنِ مُحَمَّدٍ عَنِ الْحَسَنِ بْنِ عَلِيٍّ عَنْ أَحْمَدَ بْنِ عَائِذٍ عَنِ الْحُسَيْنِ بْنِ مُخْتَارٍ قَالَ قُلْتُ لأَبِي عَبْدِ الله (عَلَيْهِ السَّلاَم) يُحْرِمُ الرَّجُلُ فِي الثَّوْبِ الأَسْوَدِ قَالَ لا يُحْرِمُ فِي الثَّوْبِ الأَسْوَدِ وَلا يُكَفَّنُ بِهِ الْمَيِّتُ.

(10) علل الشرائع، ج 2، ص 347

(11) علل الشرائع، ج 2، ص 347

(12) الكافي، ج 6، ص 452

(13) رجال الكشي، الرقم: 88، الكافي، ج 1, ص 469

(14) رجال الكشي، الرقم: 390

(15) فضائل الصحابة، رقم الحديث: 1026

(16) صحيح مسلم، الرقم: 3309 إلى 3312

(17) المحاسن، ج 2، ص 420

.

.