حضرت عائشہ رض کا چہرے پر ماتم کرنا

اہل سنت کا دعوہ ہے کہ فوت شدگان پر رونا،ماتم، اور نوحہ کرنا جائز نہیں لیکن جب ہم جناب عائشہ بنت ابی بکر کی زندگی کا مطالعہ کرتے ہے تو ہم پر یہ بات ظاھر ہوتی ہے کہ وہ خود اور اس وقت کی باقی صحابیات اس کو جائز سمجھتی تھی۔

احمد بن حنبل نے اپنی سند سے بیان کیا ہے کہ عائشہ نے فرمایا :

رسول اللہ ﷺ کی وفات میرے حلق اور سینے کے درمیان اور میری باری کے دن ہوئی۔ اس میں مئیں نے کسی پر ظلم نہ کیا۔ لیکن یہ میری نا سمجھی یا کم عمری کا نتیجہ تھا کہ نبی ﷺ میری گود میں فوت ہوگئے۔ پھر میں نے آپ ﷺ کا سر اٹھا کر تکیہ پر رکھ دیا اور خود باقی عورتوں کے ساتھ مل کر اپنے چہرے پر ہاتھ مارنے لگی۔

کتاب کے محقق شعیب الارنؤط نے حدیث کی سند کو حسن قرار دیا ہے۔

مسند احمد – احمد بن حنبل // جلد ۴۳ // صفحہ ۳۶۸ – ۳۶۹ // رقم ۲۶۳۴۸ // طبع الرسالہ العالمیہ بیروت لبنان۔

ابو یعلی نے بھی اسکو اپنی سند سے نقل کیا ہے۔

مسند ابو یعلی موصلی – ابو یعلی // جلد ۴ // صفحہ ۱۴۴ // رقم ۴۵۶۸ // طبع دار الکتب العلمیہ بیروت لبنان۔

ابن ھشام نے اسکو اپنی سیرت کی کتاب میں نقل کیا ہے۔

سیرت ابن ھشام – عبدالملک بن ھشام // جلد ۳-۴ // صفحہ ۱۸۲ // طبع دار الکتب العلمیہ بیروت لبنان۔

محمد بن سعد نے بھی اپنی سند دے اس روایت کو نقل کیا ہے۔

طبقات الکبریٰ – محمد بن سعد // جلد ۱ // صفحہ ۲۰۷ // طبع دار ابن الجوزی قاھرہ مصر۔

جو لفظ اس حدیث میں جناب عائشہ نے استعمال کیا ہے وہ ” التدم” ہے۔

غریب الحدیث کے عالم ابن اثیر جزائری نے اسکی توضیع یوں بیان کی ہے :

التدم – اسکا معنی ہے عورتوں کا اپنے چہرے کو مارنا جب وہ نوحہ کرتی ہیں۔

یہ لفظ عائشہ کی اس روایت میں آیا ہے کہ رسول اللہ ﷺ کی وفات میرے حلق اور سینے کے درمیان ہوا۔ پھر میں نے آپ ﷺ کا سر اٹھا کر تکیہ پر رکھ دیا اور خود باقی عورتوں کے ساتھ مل کر اپنے چہرے پر ہاتھ مارنے لگی۔

النہایۃ فی غریب الحدیث – ابن اثیر // صفحہ ۷۵۲ // طبع دار ابن الجوزی ریاض سعودیہ۔

پاکستان کے ناصبی عالم غلام مصطفیٰ ظہیر امنپوری نے بھی اس حدیث کو حسن قرار دیا ہے لیکن جناب عائشہ کے اس عمل کے بارے میں یوں کہتا ہے :

ان عورتوں کا یہ اقدام لاعلمی کے بنا پر تھا جن میں عائشہ بھی شامل تھی۔

وفاۃ النبی – نسائی مع شرح و تحقیق امنپوری // صفحہ ۱۱۶ // طبع اسلامک بک کمپنی چہلم پاکستان۔

یہی دلیل انجینر محمد علی مرزا نے ایک ویڈیو میں دی ہے۔

ہم کہتے ہیں :

۱ – پہلی بات جناب عائشہ نے رسول اللہ ﷺ کا اپنی گود میں وفات پانے کو اپنی کم عمری و جہالت پر محمول کیا نہ کہ ماتم کو۔ کیونکہ ماتم میں باقی عورتیں اسکے ساتھ تھی پھر یہاں جمع کا ضیعہ ہوتا۔

۲ – دوسری بات اوپر جو عورتیں ہیں وہ عام و جاھل عورتیں نہیں تھی جنکے عمل کو آپ جہالت پر محمول کر رہے ہو بلکہ رسول اللہ ﷺ کی صحابیات تھی۔ اگر بلفرض ان میں سے ایک عورت مثلاً عائشہ جاہل تھی تو کیا باقی سب عورتیں بھی اس جہالت میں انکے ساتھ تھی۔ کیا آپ لوگ ایسا دعوہ کر رہے ہو کہ تمام صحابیات غلطی یا جہالت پر متفق ہوگیں تھی ؟

۳- تیسری بات یہ دعوہ کرنا کہ عائشہ نے کم علمی میں آیسا کیا خود اہل سنت کی معتبر احادیث کے خلاف ہے۔

حاکم نیساپوری نے اپنی سند سے نقل کیا ہے کہ زھری نے فرمایا :

اگر تمام لوگوں کے علم کو جمع کیا جائے اور دوسری جانت عائشہ کا علم جمع کیا جائے تو جناب عائشہ کا علم زیادہ ہوگا۔

ذھبی نے حاشیہ میں لکھا کہ مسروق نے کہا کہ صحابہ میں مرد بھی اپنے اکثر سوالات عائشہ سے پوچھتے تھے اور پھر ان تمام آثار کی سند کو صحیح علی شرط شیخین قرار دیا۔

مستدرک علی صحیحین – حاکم نیساپوری // جلد ۴ // صفحہ ۱۲ // رقم ۶۷۳۴ // طبع دار الکتب العلمیہ بیروت لبنان۔

۴ – چوتھی بات یہ کہ اس ناصبی کا دعوہ اس بات سے اور زیادہ کمزور ہوتا ہے کہ جناب عائشہ نے یہی عمل دوبارہ اپنے والد کی وفات پر کیا۔

محمد بن سعد نے اپنی سند سے نقل کیا ہے کہ سعید بن مسیب نے فرمایا :

جب ابو بکر کا انتقال ہوا، عائشہ نے ان پر نوحہ کرنے والیوں کو بیٹھایا، عمر ان کے گھر پر آ گئے، اور رونے سے منع کیا۔ انہوں نے رکنے سے انکار کیا تو عمر نے ہشام بن ولید سے کہا کہ تم گھر میں داخل ہو جاو اور ابو قحافہ کی بیٹی اور ابو بکر کی بہن کو باہر نکالو۔ عائشہ نے یہ سن کر ہشام سے کہا کہ میں تمہیں مکان میں داخلے سے منع کرتی ہوں۔ مگر عمر نے ہشام سے کہا کہ میں تمہیں اجازت دے رہا ہوں، اندر جاو۔ پس وہ گیا اور ام فروہ ابو بکر کی بہن کو عمر کے پاس لے آیا۔ عمر نے درہ اٹھایا اور انہیں کئی بار مارا۔ یہ دیکھ کر نوحہ کرنے والیاں چلیں گئیں

طبقات ابن سعد – محمد بن سعد // جلد ۳ // صفحہ ۱۵۶ // طبع دار ابن الجوزی قاھرہ مصر۔

ابن حجر نے اس روایت کی سند کو صحیح قرار دیا ہے۔

فتح الباری شرح صحیح البخاری – ابن حجر عسقلانی // جلد ۵ // صفحہ ۹۴ // طبع مکتبہ اشرافیہ دیوبند ھندوستان۔