حدیث ثقلین (کتاب اللہ وسنتی) ضعیف روایت

ترجمہ اور اختصار : ذوالفقار مشرقی

سوال کیا گیا ہے اس حدیث کے بارے میں کہ ” میں تم میں دو چیزیں چھوڈے جا رہا ہوں جنکو تھامنے سے آپ میرے بعد گمراہ نہ ہوجاؤ گے، ایک اللہ کی کتاب ہے۔ کیا یہ حدیث اس الفاظ کے ساتھ صحیح ہے کہ دوسرا میری عترت اہل بیت ہے یا ان الفاظ کے ساتھ کہ دوسرا میری سنت ہے۔ لہذا اسکی توضیع فرمائیں گا درایت اور سند کے حوالے سے ؟

جواب : جو حدیث ثابت ہے وہ ” میرے اہل بیتؑ ” والے الفاظ کے ساتھ ہے اور وہ روایات جن میں لفظ ” میری سنت ” آیا ہے وہ باطل ہے متن اور سند کے حوالے سے۔ اسکی توضیع سند کے حوالے سے ان شاء اللہ اس طرح ہے جس کے بارے میں سوال کیا گیا ہے :

امام مسلم نے اپنی صحیح (۴/۱۸۷۳، رقم ۲۴۰۸) میں سیدنا زید بن ارقم سے روایت کیا ہے کہ

رسول اللہ ﷺ ایک دن خطبہ سنانے کو کھڑے ہوئے ہم لوگوں میں ایک پانی پر جس کو خم کہتے تھے، مکہ اور مدینہ کے بیچ میں۔ آپ ﷺ نے اللہ کی حمد کی اور اس کی تعریف بیان کی اور وعظ و نصیحت کی، پھر فرمایا: ”بعد اس کے اے لوگو! میں آدمی ہوں، قریب ہے کہ میرے پروردگار کا بھیجا ہوا (موت کا فرشتہ) آئے اور میں قبول کروں، میں تم میں دو بڑی بڑی چیزیں چھوڑے جاتا ہوں، پہلے تو اللہ کی کتاب اس میں ہدایت ہے اور نور ہے، تو اللہ کی کتاب کو تھامے رہو اور اس کو مضبوط پکڑے رہو۔“ غرض آپ ﷺ نے رغبت دلائی اللہ کی کتاب کی طرف، پھر فرمایا: ”دوسری چیز میرے اہل بیت ہیں، میں اللہ کی یاد دلاتا ہوں تم کو اپنے اہل بیت کے باب میں۔“ تین مرتبہ آپ صلی اللہ علیہ وسلم نے یہ بات بیان فرمائی۔

یہ مسلم کے الفاظ ہیں۔ انہی الفاظ کے ساتھ دارمی نے اپنی سنن (۲/۴۳۱-۴۳۲) میں نقل کیا ہے اور اسکی سند آفتاب کی طرح صحیح ہے۔

اور ترمذی کی روایت میں یہ الفااط آئے ہیں ” اور میری عترت میری اہل بیت، پس سنن ترمذی (۵/۶۶۳، رقم ۳۷۸۸) میں ہے کہ رسول اللہ ﷺ نے فرمایا :

میں تمہارے درمیان وہ چھوڑ کر جا رہا ہوں کہ اگر تم ان سے تمسک رکھو گے تو میرے بعد گمراہ نہ ہوگے، ان میں ایک چیز اللہ کتاب ہے جو اسکی رسی کی مانند آسمان تا زمین ممدود ہے اور دوسرے میرے اہل بیت عترت(خاندان) ہیں، اور دونوں ہر گز ایک دوسرے سے جدا نہ ہونگے حتّی کہ حوض کوثر پر مجھ سے آن ملیں گے، اب میں دیکھتا ہوں کہ کہ (بھلا) تم ان کے بارے میں میری مخالفت کیسے کرو گے۔ یہ حدیث صحیح ہے۔

جہاں تک تعلق لفظ ” میری سنت ” کا ہے وہ من گھڑت ہے کیونکہ اسکی سند ضعیف، اس میں اموی مقاصد موجود ہے۔

اس تک جو سند ہے اسکو حاکم نے المستدرک (۱/۹۳) میں ابن ابی آویس عن ابيه عن ثور بن يزيد الديلي عن عكرمة عن ابن عباس سے نقل کیا ہے اور اس میں یوں ہے :

میں تم میں دو ایسی چيزچھوڑیں جا رہا ہوں جنہیں اگر تم مضبوطی سے پکڑے رکھو گے تو میرے بعد کبھی گمراہ نہیں ہونگے، ایک اللہ تعالی کی کتاب اور دوسری میری سنت۔

ہم کہتے ہیں : اسکی سند میں ابن ابی اویس اور اسکا باپ ہے۔

حافظ المزی نے تہذیب الکمال (۳/۱۲۷) میں ابن ابی اویس کے ترجمے میں اسکے متعلق جرح یوں نقل کی ہے۔

یحیی بن معین نے فرمایا : ابو اویس اور اسکا بیٹا دونوں ضعیف ہے۔

یحیی بن معین سے اسی طرح منقول ہے کہ ابن ابی اویس اور اسکا باپ احادیث چوری کیا کرتے تھے۔

یحیی بن معین سے اسی طرح منقول ہے کہ یہ مخلط، جھوٹا اور کوئی شئ ہی نہیں ہے۔

ابو حاتم نے کہا : صدوق جیسا تھا لیکن عافل ہوتا تھا۔

نسائی نے کہا : ضعیف اور دوسری جگہ کہا کہ یہ ثقہ نہیں۔

ابو القاسم اللاکائی نے کہا کہ نسائی کا کلام مجھے پہنچا جس میں تھا کہ اسکو ترک کیا جائے۔

ابو احمد بن عدی نے کہا : یہ ابن ابی اویس، یہ اپنے چچا مالک سے غریب احادیث نقل کرتا جنکی کوئی متابعت نہیں کرتا۔

میں کہتا ہوں : حافظ ابن حجر نے فتح الباری کے مقدمہ میں اس ابن ابی اویس کے بارے میں کہا کہ : اس سے کسی بھی بات میں احتجاج نہیں کرنا چاہئے صحیح بخاری کے علاوہ اس وجہ سے جو نسائی وغیرہم نے اسکے بارے میں بیان فرمایا۔

حافظ سید احمد بن صدیق الغماری نے کہا اپنی کتاب فتح الملک العلی(صفحہ ۱۵) میں کہا : سلمہ بن شبیب نے کہا کہ میں نے اسماعیل بن ابی اویس کو کہتے ہوئے سنا کہ میں کبھی اہل مدینہ کے لئے احادیث وضع کرتا ہوں جب ان میں کسی مسئلے پر اختلاف ہوجاتا تھا۔

پس اس شخص پر احادیث گھڑانے کی تہمت ہے۔ ابن معین نے اس پر کذب کی تہمت لگائی ہے اور اس حدیث جس میں لفظ ” میری سنت ” ہے صحیحین میں بھی کسی میں نہیں ہے۔

جہاں تک اسکے باپ کا تعلق ہے تو ابن ابی حاتم نے اپنی کتاب میں کہا : اسکی حدیث لکھی جائے گی لیکن اس سے احتجاج نہیں کرنا چاہئے۔ یہ اتنا زیادہ قوی نہیں۔

اسی مصدر میں ابن ابی حاتم نے ابن معین سے نقل کہ یہ ثقہ نہیں ہے۔

میں کہتا ہوں : جس سند میں ایسے دو راوی ہو جن کے بارے میں کلام گزر چکا ہے کبھی صحیح نہیں قرار پائے گی اگر اونٹ سوئی کے سراخ کے اندر سے بھی نکل جائے۔

حاکم نیساپوری نے بھی اسکے ضعف کا اعتراف کیا اسی وجہ سے اپنی مستدرک میں اسکی تصحیح نہیں کی بلکہ اسکا ایک شاید بیان کیا جسکی سند بھی خراب ہے لہذا اس نے ایک ضعیف حدیث پر ایک ضعیف حدیث کو جمع کیا۔ اور تحقیق سے ثابت ہے کہ ابن ابی اویس یا اسکے باپ دونوں میں سے ایک نے اس خراب حدیث کو چرایا اور پھر اپنی سند سے نقل کیا۔ ابن معین کی نص کے مطابق یہ دونوں احادیث چوری کیا کرتے تھے۔ پس حاکم نے مستدرک (۱/۹۳) میں اسلئے نقل کرتے ہوئے یوں کہا :

میں نے اسکا شاھد ابوہریرہ والی حدیث دیکھی،پھر اس سند سے اس کو روایت کیا :

الضبی ثنا صالح بن موسی الطلحی عن عبدالعزیز بن رفیع عن ابا صالح عن ابو ہریرہ مرفوعاً کی سند سے اسکو نقل کیا۔

میں کہتا ہوں : یہ بھی من گھڑت ہے، اختصار کے طور پر اس میں صرف ایک راوی پر کلام کرتا ہوں، وہ صالح بن موسی الطلحی ہے۔ ائمہ حدیث نے اس پر کلام کیا ہے تھذیب الکمال (۱۳/۹۶) میں ہے :

یحیی بن معین نے کہا : یہ کچھ بھی نہیں ہے۔

ابو حاتم نے کہا : حدیث میں ضعیف اور سخت منکر راوی۔ یہ ثقات سے کثرت سے منکرات نقل کرتا تھا۔

نسائی نے کہا : اسکی حدیث نہیں لکھی جائے گی۔ دوسری جگہ کہا : متروک حدیث۔

ابن حجر کی تہذیب التھذیب (۴/۳۵۵) میں ہے کہ :

ابن حبان نے کہا : یہ ثقات سے ایسی روایات نقل کرتا جو ثابت شدہ احادیث کے مثل نہیں ہوتی تھی یہاں تک کہ دیکھنے والوں نے اس بات کی شہادت ہے کی یہ معلول اور مقلوب ہوتی۔ اس سے احتجاج جائز نہیں۔

ابو نعیم نے کہا : یہ متروک حدیث ہے۔ یہ منکرات نقل کرتا تھا۔

میں کہتا ہوں : ابن حجر نے تقریب (۲۸۹۱) میں اس پر متروک کا حکم لگایا اور ذہبی نے بھی الکاشف (۲۴۱۲) میں اسکو خراب راوی قرار دیا۔

ذہبی نے میزان (۲/۳۰۲) میں اسکے ترجمے میں اسکی یہ والی حدیث نقل کی اور اسکو انکی منکرات میں شامل کیا۔

مالک بن انس نے بھی یہی حدیث موطا (۸۹۹، رقم ۳) میں نقل کی بلغنی صیغہ سے کسی سند کے بغیر جسکی کوئی قیمت نہیں کونکہ اسکی کوئی سند نہیں۔

حافظ ابن عبدالبر نے التمہید (۲۴/۳۳۱) میں اس خراب و موضوع حدیث کی تیسری سند نقل کی :

وحدثنا عبدالرحمان بن یحیی قال حدثنا احمد بن سعید قال حدثنا محمد بن ابراھیم الدیبلی قال حدثنا علی بن زید الفرائضی قال حدثنا الحنینی عن کثیر بن عبداللہ بن عمرو بن عوف عن ابیہ عن جدہ۔

میں کہتا ہوں : مختصر اسکی ایک علت کی طرف متوجہ کرتا ہوں وہ اسکی سند میں کثیر بن عبداللہ بن عمرو ہے جسکے بارے میں امام شافعی نے کہا کہ یہ جھوٹ کے ستونوں میں سے ایک ستون تھا۔

ابن داود نے کہا : جھوٹوں میں سے ایک جھوٹا تھا۔

ابن حبان نے کہا : یہ اپنے باپ اور پھر جد سے ایک من گھڑت نسخہ نقل کرتا تھا جسکو لکھا یا روایت کرنا بھی حلال نہیں سوائے اس پر تعجب کرنا۔

نسائی اور دارقطنی نے کہا : یہ متروک حدیث تھا۔

احمد بن حنبل نے کہا : منکر حدیث، کوئی شئ ہی نہیں تھا یہ، یحیی بن معین نے بھی کہا کہ کوئی شئ ہی نہیں تھا یہ۔

میں کہتا ہوں : ابن حجر نے تقریب میں اسکے متعلق خطا فرمایا جب انہوں نے اسکے بارے میں لکھا صرف ” ضعیف ” لکھا اور اسکے بعد لکھا کہ جنہوں نے اس پر کذب کی تہمت لگائئ ہے وہ افراط کے شکار تھے۔

میں کہتا ہوں : وہ افراط کا شکار نہیں ہوئے بلکہ حقیقت میں ایسا ہی ہے جیسا کہ اوپر ائمہ کا کلام کزر چکا ہے۔اسی وجہ سے ذہبی نے اسکے بارے میں الکاشف میں کہا : ” واہ ” جیسا کہ یہ ہے۔ اور اسکی حدیث موضوع ہے۔ اس سے متابعت یا شواھد کا کام لینا جائز نہیں بلکہ ان پر ضرب لگانا چاہئے۔

اور متناقص (البانی) کا قول اپنی کتاب سلسلہ الضعیفہ (۴/۳۶۱) میں کہ یہ حدیث صحیح ثابت ہے ” میری عترت، میری اہل بیت ” الفاظ کے ساتھ جو شواہد ہے اس حدیث کا ” میری سنت ” کی مجھے اس بچے پر ہنسی آتی ہے۔ اللہ ہی ہدایت دینے والا ہے۔

تنبیہ : اور رسول اللہ ﷺ کا قول : میری عترت، میری اہل بیت سے مراد اسکی بیویاں اور اسکی ذریت اور ان میں بھی خاص ارادہ رسول اللہ ﷺ کا جنکے لئے تھا وہ سیدہ فاطمہؑ، سیدنا علیؑ، سیدنا حسنؑ اور سیدنا حسینؑ ہے، اور اسکے پیچھے دلیل ایک صحیح ثابت حدیث ہے جیسا کہ عائشہ سے روایت ہے کی صحیح مسلم (۴/۱۸۸۳، رقم ۲۴۲۴) میں اور عمر بن ابی سلمہ جسکو رسول اللہ ﷺ نے پالا تھا ترمذی (۵/۶۶۳) کی روایت میں اور اسکے الفاظ باقیوں میں صحیح الاساند کے ساتھ ہے کہ انہوں نے فرمایا :

آیت تطہیر رسول اکرم پر ام سلمہ کے گھر میں نازل ہوئی ہے، جب آپ نے فاطمہؑ اور حسنؑ و حسینؑ کو طلب کیا اور سب پر ایک چادر اوڑھادی اور علیؑ پس پشت بیٹھے تھے انھیں بھی چادر شامل کرلیا اور فرمایا خدایا یہ میرے اہلبیتؑ ہیں، ان سے رجس کو دور رکھنا اور پاک و پاکیزہ رکھنا ۔

جس کے بعد ام سلمہ نے فرمایا کہ یا نبی اللہ کیا میں بھی انھیں میں سے ہوں؟ تو آپ نے فرمایا کہ تمھاری اپنی ایک جگہ ہے اور تمھارا انجام بخیر ہونے والا ہے

پس جنہوں نے بھی اہل بیت سے مراد صرف ازواج کو لیا انہوں نے خطا کیا اور اجماع کی مخالفت کی۔

پس اس سے یہی بات ثابت ہوتی ہے کہ یہ حدیث ” کتاب اللہ و عترتی ” صحیح ثابت صحیح مسلم میں اور لفظ ” کتاب اللہ و سنتی ” باطل ہے، سند کے اعتبار سے غیر صحیح ہے۔ پس مساجد کے خطاء ، واعظین اور اماموں کو چاہئے کہ ان الفاظ کو ترک کردیں جو رسول اللہ ﷺ سے ورد نہیں ہوا ہے اور لوگوں کے سامنے وہ ذکر کرے جو صحیح ثابت ہے رسول اللہ ﷺ سے صحیح مسلم سے ” کتاب اللہ اور میری اہل بیت یا میری عترت “۔ طالب علموں کو بھی چاہئے کہ وہ علم حدیث سیکھیں تاکہ وہ صحیح سنت اور ضعیف میں معرفت حاصل کر سکھیں۔ بے شک اللہ نے حق فرمایا ہے اور وہی ہدایت دینے والا ہے۔ تما تعریفین اللہ کے لئے ہیں۔

صحیح صفۃ الصلاۃ النبی – حسن بن علی السقاف // صفحہ ۲۸۹ – ۲۹۴ // طبع دار الامام النوؤی اردن۔