ایمانِ حضرت ابوطالبؑ پرحملہ کرنیوالوں کو جواب

قارئین : یہاں پر دو روایات جو ناصبی شیعہ کتاب سےحضرت ابو طالب علیہ السلام کےعدم ایمان پر پیش کرتےہیں اسکا جواب دیتے ہیں۔

ناصبی کہتا ہے:

حضرت علی ع اپنے والد کی وفات کے بعد رسول اللہ ص کے پاس آئے اور فرمایا آپ کے چچا گمراہی کی حالات میں دنیا سے چلے گئے۔۔۔ از بحار الانوار)

جواب: قارئین اصل کلام بحار الانوار جلد ۳۵ ص ۱۵۵ پر موجود ہے جس کا آغاز یوں ہوتا ہے:

[أقول:] وقال ابن أبي الحديد في شرح نهج البلاغة: اختلف الناس في إسلام أبي طالب فقالت الامامية وأكثر الزيدية: ما مات إلا مسلما، وقال بعض شيوخنا المعتزلة بذلك، منهم: الشيخ أبو القاسم البلخي وأبو جعفر الإسكافي وغيرهما، وقال أكثر الناس من أهل الحديث والعامة ومن شيوخنا البصريين وغيرهم: مات على دين قومه

میں (مجلسیؒ) کہتا ہوں کہ “ابن ابی حدید” اپنی کتاب شرح “نہج البلاغہ” میں فرماتے ہیں: لوگوں کے حضرت ابو طالب علیہ السلام کے اسلام کےحوالے سے مختلف نظریات ہیں”امامیہ اور اکثر زیدیہ یہ کہتے ہیں کہ آپ “مسلم” ہی انتقال ہوا اور یہی بات ہمارے بعض شیوخ معتزلہ بھی کہتے ہیں”جن میں ابو القاسم البؒی اور ابوجعفر الاسکافی سمیت دیگر ہیں۔اوراکثرمحدثین اورعوام لوگ اور ہمارے بصرہ کے شیوخ معتزلہ ودیگر کہتے ہیں کہ حضرت ابو طالب علیہ السلام اپنی قوم کے دین پر وفات پائی۔

اسکے بعد اس ہی”ابن ابی حدید” کا کلام نقل کرتے ہوئے یہ عبارت نقل کی جاتی ہے جس کو ناصبی نے نقل کیا:

وروى كثير من المحدثين أن قوله تعالى: (ما كان للنبي والذين آمنوا معه أن يستغفروا للمشركين ولو كانوا أولي قربى من بعد ما تبين لهم أنهم أصحاب الجحيم * وما كان استغفار إبراهيم لأبيه إلا عن موعدة وعدها إياه فلما تبين له أنه عدو لله تبرء منه (1)) الآية أنزلت في أبي طالب، لان رسول الله صلى الله عليه وآله استغفر له بعد موته. ورووا أن قوله تعالى: (إنك لا تهدي من أحببت (2)) نزلت في أبي طالب ورووا أن عليا عليه السلام جاء إلى رسول الله بعد موت أبي طالب فقال له: إن عمك الضال قد قضى فما الذي تأمرني فيه؟ واحتجوا بأنه لم ينقل أحد عنه أنه رآه يصلي، والصلاة هي المفرقة بين المسلم و الكافر، أن عليا وجعفرا لم يأخذا من تركته شيئا

یہ وہی روایات ہیں جس کو “ابن ابی حدید” اہلحدیث محدثین (اہلسنت)سے نقل کررہے ہیں اور یہ روایت عموماً اہلسنت محدثین ہی نقل کرتے ہیں، اس کے حوالہ ملاحضہ فرمائیں:

۱۞ [ سنن الکبریٰ للبیھقی – جلد ۱ – ص ٤٥٤ – رقم ١٤٥٢ ]

٢۞ [ مصنف ابن ابی شیبہ – جلد ۳ – ص ۳۲ – رقم ۱۱۸۴۰]

اور یہ پورا کلام شرح نہج البلاغہ جلد ۱۳ ص ۳۷ و ۳۸ پر ملاحظہ کیا جاسکتا ہے۔

تبصرہ : قارئین یہاں پر “ابن ابی حدید” کے کلام کو دیکھیں کہ صریحا “شیوخنا” کا انتساب کرکے اپنے مذھب کا کھلے عام اعلان کررہا ہے کہ یہ “معتزلی” ہے اور پھر اس کے بعد وہ روایت بھی سنی محدثین سے نقل کررہا ہے تو یہ ہمارے خلاف دلیل کیسے؟

ناصبی نے دوسرا اعتراض نقل کیا:

مشھور رافضی مفسر قرآن ھاشم البحرانی اپنی تفسیر البرھان میں ایک دوسرے رافضی مفسر علی بن ابراھیم القمی کی تفسیر سے ایک روایت نقل کرتا ھے قرآن کی سورہ القصص آیت نمبر ۵۶ ترجمہ ( اے محمدﷺ آپ جسکو دوست رکھتے ھیں اسکو ھدائت نھیں دے سکتے)رافضی مفسر لکھتا ھے یہ آیت ابو طالب کہ بارے میں نازل ھوئی جب رسول اللہ اپنےچچا سے کہہ رھے تھےکہ چچا کلمہ لا اله الا الله پڑھ لو میں اسکے طفیل آپکو قیامت کہ دن نفع پھنچاوں گا ابوطالب نے کھا میں اپنے نفس کوجانتا ھوں جب ابو طالب فوت ھوئے تو حضرت عباس بن عبد المطلب نے پوچھا کہ کیا ابوطالب نے کلمہ پڑھ لیا تھا؟ رسول اللہﷺنے فرمایا میں نے تو انسےکچھ بھی نھیں سناتھااور نہ ھی میں قیامت کہ دن اپنے چچا ابو طالب کو کوئی نفع پھنچاوں گا

جواب: قارئین ان(ناصبیوں)کے ترجمہ پر ہمیں عموماً کوئی اعتماد نہیں ہوتا ، کیونکہ کافی اور مثالوں میں انکی غلط بیانی واضح ہوچکی ہے، اصل عبارت یوں ہے:

” نزلت في أبي طالب (عليه السلام)، فإن رسول الله (صلى الله عليه و آله) كان يقول: ” يا عم، قل: لا إله إلا الله، أنفعك بها يوم القيامة “. فيقول: يا ابن أخي، أنا أعلم بنفسي. فلما مات، شهد العباس بن عبد المطلب عند رسول الله (صلى الله عليه و آله) أنه تكلم بها عند الموت، فقال رسول الله (صلى الله عليه و آله)، ” أما أنا فلم أسمعها منه، و أرجو أن تنفعه يوم القيامة ” “.

یہ آیت حضرت ابو طالب علیہ السلام کے حق میں نازل ہوئی کہ جب رسولﷺوآلہ نےفرمایا: اے چچا کہہ دیجئے لا الہ الا اللہ تاکہ آپ کو نفع پہنچا سکوں قیامت کے دن، تو حضرت ابو طالب علیہ السلام نے کہا اے بھتیجے! میں اپنی حالت بہتر جانتا ہوں چنانچہ جب انتقال ہو گیا تو حضرت عباس بن عبدالمطلب نے گواہی دی رسولﷺوآلہ کے پاس کہ انہوں نے موت کے وقت وہ کلمہ پڑھا تھا تو رسولﷺوآلہ نے کہا میں نے نہیں سنا ان سے، اور میں امید کرتا ہوں کہ قیامت کے دن ان کو فائدہ پہنچاوں۔

قارئین اس کے فوراً بعد یہ عبارت بھی ہے جو یوں ہے:

وقال صلى الله عليه وآله: لو قمت المقام المحمود لشفعت في أبي وأمي وعمي وأخ كان لي مواخياً في الجاهلية.

رسولﷺوآلہ نے مزید فرمایا : کہ جب میں مقام محمود پر کھڑا ہوں گا تو میں شفاعت اپنے والد، والدہ، اپنےچچا اور وہ بھائی جو جاہلیت میں میرا بھائی تھا کروں گا۔

حوالہ:[ تفسیر قمی – جلد ۲ – ص ٧٦٢ ، ٧٦٣]

تبصرہ: قارئین ثابت ہوا کہ یہ روایت کہیں بھی حضرت ابو طالب علیہ السلام کے کفر کو ثابت نہیں کرتی (نعوذباللہ)… بلکہ روایت کا تتمہ بتارہا ہے کہ رسول ﷺ وآلہ تو اپنے قریبی جن میں ان کے چچا ہے انکی بھی “شفاعت” کریں گے اور اسکے علاوہ خود عباس بن عبدالمطلب نے حضرت ابو طالب علیہ السلام کو کلمہ پڑھتے سنا اور رسولﷺوآلہ نے انکو نفع پہنچانے کا عزم بھی کیا، الفاظ روایت مدعا کے بالکل خلاف ہے اور دوسری بات یہ ہےکہ یہ تفسیر اہلبیت علیہم السلام سے مروی نہیں یعنی اس کا ابتدائی حصہ تو اس پر قطع نہیں کیا جاسکتا۔

باقی کتب شیعہ میں ایمان حضرت ابوطالب علیہ السلام کا اثبات ہے اصول کافی میں روایات ہیں اس کے علاوہ روایات کا جم غفیر علامہ مجلسیؒ کی کتاب بحار الانوار جلد ٣٥ میں امیر المؤمنین ع کے حالات کے ذیل میں تیسرے باب (نسبه وأحوال والديه عليه و عليهما السلام) میں ملاحظہ کی جاسکتی ہیں۔اور ہماری سابقہ دو پوسٹوں میں ملاحضہ فرمائیں ۔۔۔

فائنل تبصرہ: اسطرح جو اعتراضات لائے گئے الحمدللہ ان کا جواب دیا گیا۔ اور حضرت ابو طالب علیہ السلام کے ایمان و اسلام میں ہلکا سا بھی شبہ اہل ایمان میں سے کسی کو نہیں۔

.