کیا اہل بیتؑ کو خلافت ملنے سے اسلام میں خاندانی بادشاہت (ملوکیت) پیدا ہوجاتی جو اسلام کے منافی ہے ؟

اکثر جب ہم اہل سنت خصوصاً جماعت اسلامی یا انجینر محمد علی مرزا کے مقلدین سے خلافت پر بحث کرتے ہیں تو وہ اعتراض کرتے ہیں کہ رسول اللہ ﷺ تو ملوکیت ختم کرنے آئے تھے۔ جبکہ انکے اس دعوے کی تردید خود قرآن و سنت نبی ﷺ میں ملتی ہے۔

چناچہ اللہ تعالیٰ فرماتے ہیں :

.

أَمْ يَحْسُدُونَ النَّاسَ عَلَىٰ مَا آتَاهُمُ اللَّهُ مِن فَضْلِهِ ۖ فَقَدْ آتَيْنَا آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُم مُّلْكًا عَظِيمًا ‎﴿٥٤﴾‏

.

قرآن کی اس آیت میں اللہ صاف طور پر فرما رہا ہے کہ اس نے اولاد ابراھیم (جن میں رسول اللہ ﷺ اور اسکے اہل بیتؑ شامل ہے) کو عظیم حکومت دی لیکن باقی لوگ ان سے حسد کرتے ہیں۔

.

اسی طرح اہل سنت کے یہاں حدیث کی پہلی کتاب صحیفہ ھمام بن منبہ (المتوفی ۱۰۱ ھ) [اسکا مولف ابوہریرہ کا شاگرد تھا] نے اپنی کتاب میں اس حدیث حدیث لائی ہے :

.

وقال رسول الله – صلى الله عليه وسلم -: الناس تبع لقريش في هذا الشأن، – أراه يعنى الامارة – مسلمهم تبع لمسلمهم، وكافرهم تبع لكافرهم

.

کتاب کے محقق ڈاکٹر محمد حمید اللہ نے اس روایت کے بارے میں یوں لکھا :

اسکی سند صحیح ہے۔ یہ روایت مسند احمد بن حنبل، مصنف عبدالرزاق، صحیح مسلم، شعیب الایمان للبہیقی اور شرح السنۃ للبغوی میں بھی موجود ہے۔

.

صحیفہ ھمام بن منبہ – ھمام بن منبہ (تابعی) // صفحہ ۲۵۳ // رقم ۱۲۸ // طبع دار العلم ممبئ ہندوستان۔

.

لہذا ثابت ہوا کہ خود اسلام میں خاندانی ملوکیت کی نفی نہیں آئی ہے لہذا معلوم نہیں آج کے جدید مفکرین نے یہ فہم کہاں سے لایا ہے کہ اسلام ملوکیت کو ختم کرنے آیا تھا۔

.

اب اگر کوئی اسکا یہ جواب دینا چاہئے گا کہ قریش نے چونکہ اسلام کے لئے بہت قربانیاں دی ہیں لہذا وہ اس امر (یعنی ملوکیت) کے لئے زیادہ حقدار تھے۔ تو عرض ہے کہ حدیث میں تو کافروں کا بھی ذکر ہے کہ سب کافر قریشی کفار کے تابع ہیں۔ انہوں نے اسلام کے لئے کونسا کارنامہ انجام دیا ہے ؟